Pastori Akil Pano është shprehur kundër marrëveshjes së firmosur nga kryeministri Edi Rama me qeverinë Italiane për të marrë emigrantë në vendin tonë.
Në emisionin “Opinion”, Pano tha se Rama nuk është konsultuar me asnjë person për këtë marrëveshje, duke treguar në këtë formë shenja të autoritarizmit.
Më tej, pastori theksoi se ardhja e emigrantëve në Shqipëri do të rrisë trafikun e qenieve njerëzore. Ai theksoi se pas largimit të qytetarëve nga vendi, po bëhen përpjekje që Shqipëria të ripopullohet nga emigrantët.
“Rezervat e mia lidhen te nocionet që lidhen brenda marrëveshjes, përpunim, kompostim vetëm fermentim nuk është përdorur. Nocione që përdoren për qeniet njerëzore. Si në kampet e internimit që kemi patur ne në kohën e komunizmit. Një marrëveshje e këtij lloji mua më zbulon liderin autokrat i cili nuk bën transparent.
Një parlament që i mbyll derën opozitës dhe i detyron të hynë nga dritarja. Merret një vendim nga kryeministri dhe ratifikimi nga parlamenti është një farsë e madhe.
Kjo na ço një rreziku që lidhet nga me trafiqet dhe skafistët që i kemi patur në jug deri para 10 vitesh. Si është e mundur që nga Shqipëria janë larguar rreth 1 milion banorë, tashmë është vendosur copëza e fundit e pazëllit për ripopullimin e Shqipërisë”,- tha Akil Pano./ S.M
