Një elektriçist ka humbur jetën gjatë punës në fshatin Muçan të Elbasanit.
Elektirçisti 62-vjeçar i OSSHEE po riparonte një defekt në një kabinë elektrike, në fshatin Muçan, në momentin kur aksidentalisht ka rënë në kontakt me rrymën elektrike, ku edhe gjeti vdekjen e menjëhershme.
Mësohet se defekti në fshatin Muçan kishte ndodhur për shkak të motit të keq. Policia po punon për zbardhjen e plotë të rrethanave të vdekjes tragjike të elektriçistit 62-vjeçar.
“Rreth orës 12:45, shtetasi A. T., rreth 62 vjeç, banues në Elbasan, me profesion elektricist, dyshohet se aksidentalisht gjatë punës për riparimin e një defekti në një kabinë elektrike, në fshatin Muçan, ka rënë në kontakt me rrymën elektrike dhe si pasojë ka humbur jetën”, njofton Policia. / S.M
