Moti i keq ‘bën kërdinë’/ Evakuohen nga shtëpitë e tyre 700 mijë banorë

113 563 lexime

124,178FansaPëlqeje

Të paktën 111 njerëz kanë vdekur dhe 700 mijë të tjerë janë detyruar të lënë shtëpitë e tyre për shkak të përmbytjeve të shkaktuara nga shirat e rrëmbyeshëm në Bririn e Afrikës në javët e fundit.

Sipas një njoftimi të organizatës joqeveritare Save the Children, në mesin e viktimave janë 16 fëmijë.

Reshjet e pandërprera në qarqet veriore të Kenias dhe kryeqytetin Nairobi kanë çuar në përmbytje të përhapura, duke zhvendosur rreth 36 mijë njerëz, raportojnë mediat e huaja.

Përmbytjet janë të fundit në një seri ngjarjesh ekstreme të motit në vitet e fundit që godasin Afrikën, ku fëmijët dhe komunitetet e gjejnë veten në ‘fundin’ e krizës globale të klimës.

Agjencia e ndihmës po bën thirrje për ndërhyrje urgjente kombëtare dhe ndërkombëtare për t’iu përgjigjur zhvendosjes masive në Kenia, Etiopi dhe Somali.

Shumë nga familjet e zhvendosura, duke përfshirë mijëra fëmijë, tashmë kanë nevojë për furnizime emergjente si ushqim, strehim, ujë të pastër dhe tualete.

Fenomeni El Niño rriti reshjet e sezonit të shirave në rajon, duke prekur kryesisht Somalinë, por edhe Etiopinë dhe Kenian.

Drejtori i vendit të Save the Children për Somali, Mohamud Mohamed Hassan, tha:

“Ne po bëjmë thirrje për veprime urgjente për të ndihmuar komunitetet të përgjigjen dhe të mbrojnë më mirë jetën e fëmijëve dhe të zvogëlojnë ndikimin afatgjatë. Ndërsa fëmijët janë më të cenuarit ndaj krizave si këto, ata janë gjithashtu jashtëzakonisht elastikë. Me mbështetjen e duhur, të dhënë në kohën e duhur, ata mund të kapërcejnë edhe sfidat më të paimagjinueshme.”/E.T

Të fundit

Mira Murati sfidon me pagat, ofron deri në 500 mijë dollarë për talentet e teknologjisë

Thinking Machines Lab, startup-i i ri i Mira Muratit, ka tërhequr vëmendje për pagat jashtëzakonisht të larta që u...

“Çmendet” moti në Gjermani, temperaturat në 40 gradë, zona të tjera zbardhen nga breshri

Europa po përballet me një valë të re të motit ekstrem, mes temperaturave përvëluese, zjarreve të egra dhe stuhive. Gjermania është një nga vendet...

Arrestohen drejtori dhe ish-drejtori i “Bankers Petroleum”

Policia e Fierit ka ndërmarrë sot një aksion në zyrat qendrore të kompanisë “Bankers Petroleum”, që operon në fushën e nxjerrjes së naftës në...

Shqipëria pritet të ‘përvëlohet’ , ja sa do të shënojë termometri ditën e nesërme

Ditën e enjte vendi ynë do të jetë në ndikimin e kushteve atmosferike të qëndrueshme. Moti parashikohet i kthjellët në të gjithë territorin. Temperaturat maksimale...

BE-ja propozon një ulje prej 90% të emetimeve deri në vitin 2040

Komisioni Evropian propozon të ulë emetimet me 90% deri në vitin 2040 krahasuar me nivelet e vitit 1990 si një hap i ndërmjetëm drejt...

Lajme të tjera

Web TV