Sheynnis Palacios nga Nikaragua fitoi titullin e gruas më të bukur në botë në konkursin Miss Universe 2023 të mbajtur të shtunën mbrëma (18.11) në kryeqytetin e El Salvadorit, San Salvador. Në vendin e dytë ishte Miss Tajlandë Anntonia Porsild, e ndjekur nga Miss Australia Moraya Wilson.
Palacios u diplomua në Universitetin Centroamericana. Ajo ka një pasion për prodhimin dhe editimin e videove. Ajo ka kontribuar gjithashtu në betejat me shëndetin mendor. Ajo tha se filloi të kishte sulme të rënda ankthi ndërsa ishte në universitet. Ajo filloi projektin “Kupto mendjen tënde” për të mbështetur gratë që përjetojnë probleme të shëndetit mendor.
Fituesit e konkursit kombëtar nga 84 vende morën pjesë në Miss Universe të këtij viti, të gjykuar nga një panel që përfshinte modelen Halima Aden, yllin e Queer Eye Carson Kressley, influencuesin e TikTok Avani Gregg dhe dy ish-fitueset, Janelle Commissiong nga Trinidad & Tobago (Miss Universe 1977) dhe Iris Mittenaere nga Franca (Miss Universe 2016).
Sipas CNN, njëzet finalistë u shpallën në fillimin e eventit të së shtunës, ndërsa pas raundit të rrobave të plazhit, numri i finalistëve u reduktua në 10. Shfaqja me e fustanin e mbrëmjes përgjysmoi numrin e garuesve.
Shumë konkurrente bënë histori në konkursin e Miss Universe këtë vit. Erica Robin, e cila veshi burkini gjatë garës së rrobave të banjës, ishte Miss Pakistani i parë. Ndërkohë, Miss Kolumbia Camila Avella u bë gruaja dhe nëna e parë e martuar që mori pjesë në konkurs që kur konkursi ndryshoi rregullat e tij në gusht 2022./e.t
