Sot shënohen 33 vjet që nga themelimi i Partisë Demokratike, partia e parë e djathtë, e krijuar pas pluralizimit në vendin tonë.
Megjithatë, ky përvjetor e gjan kampin blu të përçarë në disa grupe, e me shumë probleme të brendshme. Madje, as festa nuk i ka bërë bashkë demokratët, të cilët duket se do kremtojnë secili më vete.
Lulzim Basha do të festojë 33-vjetorit të themelimit të Partisë Demokratike të Shqipërisë në Pallatin e Kongreseve, teksa grupimi i Gazmend Bardhit dhe i Sali Berishës nuk dihet ende se ku do të festojnë
“Me rastin e 33 vjetorit të themelimit të Partisë Demokratike të Shqipërisë, me 11 Dhjetor, ora 16:30, në Pallatin e Kongreseve, kam nderin t’ju ftoj të kremtojmë së bashku themelimin e Partisë Demokratike të Shqipërisë, të nderojmë sakrificat, guximin dhe vendosmërinë e themeluesve, qëndresën e antarëve dhe mbështetësve ndër vite, si dhe guximin e të rinjve që janë shpresa për të sotmen dhe të ardhmen tonë. Lulzim Basha”, shkruhet në ftesën drejtuar demokratëve nga Basha./ S.M
