Archie, djali i Princit Harry dhe Meghan Markle, do të ndihet i zhgënjyer kur të kuptojë se nuk do të ketë aparat fotografik profesional për Krishtlindje, pasi Dukesha e Sussex-it i refuzoi kërkesën për një pajisje që kushtonte mbi 8 mijë euro.
Në një aktivitet Meghan Markle tregoi se i vogli është një pasionant i fotografisë, ndërsa Dukesha nuk ka synim t’ia blejë një aparat me kosto të lartë për një fëmijë të vogël.
Pasioni duket se ka lindur falë takimit me fotografin Misan Harriman.
“Herën e fundit që ai ishte me ne, po i tregonte se si të bënte foto dhe unë i bleva Archie-t një aparat fotografik”, shpjegoi gruaja e Princit Harry. Reagimi i fëmijës ishte i papritur: “Ai tha: Por nuk është një Leica si ajo e Misanit”.
Megjithatë, Krishtlindjet e tij do të jenë të bukura dhe plot pako për të hapur së bashku me motrën e tij Lilibet Diana./E.Ç
