“Ndryshime të rëndësishme në Federatë”/ Bilanci i basketbollit për 2023-in

113 563 lexime

124,178FansaPëlqeje

Ponari: Në 2024-ën Shqipëria pret dy Kampionate Europiane

Basketbolli shqiptar ka mbyllur aktivitetet e vitit 2023, teksa pak ditë më parë Federata Shqiptare e Basketbollit mbajti edhe Asamblenë e Zakonshme.

Edhe ky vit, ashtu sikurse paraardhësi ishte me një kalendar të ngjeshur, me kompeticione kombëtare, por gjithashtu edhe aktivitete mbarëkombëtare në radhët e femrave.

Përtej problematikave të zakonshme që njihen tashmë, sporti i koshit dhuroi emocione, të cilat kulmuan sidomos me ndeshjet finale.

Në një intervistë televizive, Presidenti i FSHB, Z. Avni Ponari bën bilancin e vitit që po lemë pas dhe atij që presim.

“Ky vit basketbollistik ka qenë një vit interesant. Tashmë nuk kemi një kombëtare pasi gjërat kanë ndryshuar. Kemi 8 kombëtare, 6 moshash dhe 2 Kombëtaret e të rriturve.

Ka një zhvillim të basketbollit në përgjithësi. Ka një ndërgjegjësim, ka një rritje por ka edhe një sfidë tek moshat e vogla, te moshat e reja, të cilat po dashurohen gjithmonë e më tepër. Veçanërisht vajuat, të cilat janë aktivizuar, edhe në aktivitete të sponsorizuara nga FIBA. Por edhe nga Federata Shqiptare e Basketbollit.
Sot numri i ndeshjeve është 4-fishuar krahasuar me 2 vite përpara. Numri i ekipeve është 2-fishuar apo 3-fishuar.  Zhvillohen aktivitete në të gjitha drejtimet. Duke filluar nga Junior NBA, LIGA UNIKE, e cila është një sfidë e madhe. Vjet ekipi i vajzave të Partizanit ishte fitues i Kupës së LIGËS UNIKE. Këtë vit aktiviteti do të zhvillohet me grumbullim në qytetin e Vlorës, besoj. Dhe do të jetë një garë shumë e madhe e të rriturve. Ajo që duhet të theksoj është se, gara është rritur”, shprehet Ponari.

Por çfarë pritet gjatë vitit 2024 me Shqipërinë që do të presë edhe dy kampionate Europiane në sportin e koshit?

Lexo edhe :  “Jo vetëm te mishi, por dhe te veza e uji”, nutricionistja: Salmonela, virus i fortë

“Në shkurt jemi me Kombëtaren e madhe, me Armeninë. Por së fundmi morëm lajmin se, Shqipëria bëhet ndoshta i vetmi vend në Europë që Federata Shqiptare e Basketbollit organizon dy kompeticione europiane, U16 dhe U18. Pra nga 10 ekipe për secilin. Që do të thotë se, mbi 300 basketbollistë nga e gjithë Europa do të jenë në qytetin e Durrësit, në Pallatin e Sportit “Goga Basket” dhe po aq marrin pjesë në qytetin e Elbasanit.

Pra, jemi në prag sfidash të mëdha. Jemi në prag aktivitetesh të rëndësishme. Dhe natyrisht, ndryshimet e bëra në Federatën Shqiptare të Basketbollit, duke ndryshuar Sekretarin e Përgjithshëm dhe duke marrë një ish lojtar të Kombëtares, me 15 vite eksperiencë në kampionatin Italian. Duke thirrur në drejtimin e ekipeve kombëtare të basketbollit po një tjetër yll të aktiviteteve basketbollistike në Itali, Klaudio Ndojën. Pra, kemi bërë ndryshimet që shpresojmë të marrim edhe rezultatet positive”, thotë presidenti i FSHB-së.

Në fund të intervistës z.Ponari ka edhe një urim për vitin e ri.

“Le të shpresojmë që 2024 të ketë ngjarje të rëndësishme. Le të shpresojmë që cilësia sportive, edukata dhe kultura në sportin e basketbollit të jenë sfida e madhe që FSHB ka me të gjitha shoqatat dhe klubet basketbollistike”./E.T

Të fundit

Kredi me zero interes për administratën, 10 ditë afat!

Kanë mbetur edhe dhjetë ditë afat për të aplikuar në blerjen e banese me kredi zero nga punonjësit e...

Gjesti dhe Egli të përvëluar, flasin me njëri-tjetrin: Më merr malli të të kem në krevat

Gjesti ka diskutuar me Eglin për raportin e tyre: Gjendja është e rëndë. Egli: Jemi mirë kështu siç jemi por është e vështirë këtu në të...

Pse është mirë të zgjoheni në të njëjtën orë çdo ditë

Ekspertët e gjumit këshillojnë që zgjimi në të njëjtën kohë çdo mëngjes pa marrë parasysh kur shkoni të flini dhe a punoni apo jo. Nëse...

Në Shqipëri do vijnë edhe emigrantët më të dhunshëm, 100 të parët transferohen nga Italia

Së shpejti, në Shëngjin dhe Gjadër të Lezhës do të mbërrijnë njëqind emigrantët e parë nga Italia. Qeveria italiane i ka dhënë dritën jeshile...

Integrimi Evropian, një dekadë në thuajse vendnumëro

Kryeministri Edi Rama dukshëm ka vendosur të bëjë fushatë me dy gjëra kryesore për zgjedhjet e 11 majit, në të cilat kërkon një mandat të katërt,...

Lajme të tjera

Web TV