Një tjetër abuzim seksual ka ndodhur ditën e sotme, teksa një e mitur ka akuzuar një 18-vjeçar se ka kryer marrëdhënie me dhunë me të.
Ngjarja ka ndodhur në fshatin Voskop të Korçës, teksa 18-vjeçari është vënë nën hetim, E mitura ndërkohë po i ushtrohet konrolleve mjekësore. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme. Policia po punon për sqarimin e rrethanave dhe dokumentimin e plotë të këtij rasti.
Kujtojmë se më herët ditën e sotme, u raportuan dy rastë të tjera për abuzime seksuale me të mitura, teksa një 17-vjeçare në Fier akuzonte një bashkëmoshatar, dhe një 35-vjeçar në Divjakë u arrestua pasi dyshohet se ka abuzuar seksualisht me një 15-vjeçare.
Ndërkohë, ditën e djeshme opinioni u shokua pasi Fatmir Telallari në Volo të Greqisë, vrau me armën e gjahut kunatin e tij, Erion Pelivanin, pasi e bija i rrëfeu se ai e kishte përdhunuar dhe shantazhuar me video intime që kur ajo ishte 9 vjeç./O.S
