I rritur në banesa sociale, kush është i dashuri i ri i Dua Lipës

113 563 lexime

124,178FansaPëlqeje

Callum Turner tani është gati të fitojë një mori fansash të rinj në të gjithë botën pas shfaqjes së tij publikisht me yllin shqiptar me famë botërore, Dua Lipa, shkruan DailyMail në një artikull dedikuar dyshes. Edhe pse ai nuk është një emër kaq i njohur sa Dua, Callum ka bërë progres të madh në karrierën e tij si aktor, duke siguruar pjesë në serinë e filmave “Fantastic Beasts” dhe në “Emma” të vitit 2020 krah Anya Taylor-Joy. Jeta luksoze e tij në tapetin e kuq, veshje dizajnerësh dhe një e dashur e famshme është shumë larg fillimeve të tij modeste të klasës punëtore, kur ai u rrit në një lagje në banesa të ndihmës sociale me nënën e tij të vetme, Rosemary, në Londër.

Si fëmijë, ai ëndërronte të luante futboll dhe madje ndërroi shkolla nga një në Putney në një tjetër më larg, në lagjen Sheen sepse kjo e fundit kishte një fushë futbolli AstroTurf. Callum, i cili tha se kontakti i tij me babain gjatë rritjes ishte “i dobët”, la kolegjin e gjashtë viteve para se të merrte nivelet e tij A dhe vazhdoi të luante për një ekip futbolli gjysmë-profesionist. Megjithatë, ëndrra e tij për të luajtur për ekipin e tij të dashur Chelsea u shkatërrua në fund, me Callum i cili prani vet në një intervistë për The Independent në vitin 2020 duke thënë: “Unë nuk jam një atlet profesionist. Shumë e thjeshtë. Ishte jashtëzakonisht i përkushtuar, thjesht nuk isha futbollist”. Në moshën 18-26 vjeç, Callum tha për ‘The Independent’: “Kam pirë shumë hashash. Unë isha në depresion ose një frustrim dhe nuk kisha asnjë kuptim apo mjete për të trajtuar ndjenjat e mia, kështu që u vetë-medikamentova për shumë kohë”.

Lexo edhe :  Kuotohet si fituesja e Eurovizionit, këngëtarja shkodrane jep leksione kërcimi (video)

Ai tha se ishte “një vendosmëri për të ndryshuar dhe për të mos humbur jetën time” që e bëri të lirohej në fund nga varësia. Kur ishte 21 vjeç, ai u kthye në aktrim, por ai theksoi në vitin 2019 se “nuk ka pasur asnjë plan të madh”. Por kjo nuk do të thotë se ai nuk punoi fort, duke shpjeguar për The Independent këtë javë: “Unë mendoj se diçka që lidhet me të qenit nga klasa punëtore dhe pa para është se ti në fakt duhet të kesh një punë tjetër. Unë punoja tri punë; unë punoja në dy dyqane të ndryshme dhe në një bar vetëm për të paguar qiranë time”, shpjegoi ai.

Aktori do të kalonte katër ditë në javë duke punuar, ndërsa tre të tjerat i kushtonte aktrimit, duke parë filma, duke marrë kurse ose duke shkuar në teatër. Por puna e tij e fortë i ka sjell të ardhura, me Callum që shfaqet në një mori emisionesh të njohura televizive dhe filma, duke përfshirë “Emma”, thrillerin e BBC-së “The Capture” dhe “The Boys In The Boat” krah bashkë-protagonistit George Clooney. Ai gjithashtu ka luajtur krah Eddie Redmayne në serinë “Fantastic Beasts” dhe James Norton në serialin televiziv “War & Peace”. Një nga rolet e tij të hershme e pa atë të luante kundër Helen McCrory në “Leaving” të ITV-së (2012), një dramë për një marrëdhënie me diferencë moshe. Dua nuk është fytyra e vetme e famshme me të cilën Callum ka qenë në lidhje. Ai ka qenë në një marrëdhënie romantike me yllin e “The Crown” Vanessa Kirby deri sa çifti e ndërprenë lidhjen e tyre në vitin 2019./E.Ç

Të fundit

PS merr kryesimin dhe me votën e Diasporës! Ja si renditen partitë e tjera

Në Parkun Olimpik vijon numërimi i votave të diasporës, teksa aktualisht nga 194.889 zarfe të mbërritur, janë numëruar 4261...

OSBE/ODIHR: Cilat janë problematikat më të rëndësishme të 11 majit

Misioni i vëzhguesve të OSBE/ODIHR paraqiti sot konkluzionet paraprake mbi zgjedhjet vendore të 11 majit në një konferencë për mediat në Tiranë. Shefi i...

Justin Bieber flet për gjendjen e tij: Bëj gjëra për të lënduar të tjerët

Justin Bieber ka pranuar së fundmi në rrjetet e tij sociale se ka bërë “gjëra që kanë lënduar të tjerët”. “Vazhdoj të bëj dhe...

35-vjeçarja braktis djalin e mitur në Policinë e Gjirokastrës, nis hetimi

Një rast i paprecedentë është regjistruar në Gjirokastër, ku një grua ka braktisur djalin e saj të mitur brenda në ambientet e Komisariatit...

Ndërpritet numërimi në Klos/ Largohen komisionerët e PD: Ka shkelje

Situatë e tensionuar është raportuar në Komisionin Zonal të Administrimit Zgjedhor (KZAZ) Nr. 17 në Klos, ku komisionerët, vëzhguesit dhe numëruesit e Partisë Demokratike...

Lajme të tjera

Web TV