Balla dhe Sveçla inspektojnë qendrën e re të policisë së Shqipërisë dhe Kosovës në Vlorë

113 563 lexime

124,178FansaPëlqeje

Ministri i Brendshëm Taulant Balla dhe homologu i tij kosovar, Xhelal Sveçla ishin në Vlorë, ku panë nga afër gjendjen e një hoteli të konfiskuar, i cili do të kthehet në një qendër trajnimi dhe pushimi të përbashkët për punonjësit e policive të Shqipërisë dhe Kosovës.

Duke vizituar ambientet e kësaj ndërtese, Ministri Balla u shpreh se “bashkë me Ministrinë e Brendshme të Kosovës do investojmë që ta kthejmë në një hotel të pushimeve të punonjësve të Policisë së Kosovës dhe të punonjësve të Policisë së Shtetit të Shqipërisë. Le të jetë ky një model i punëve që do të bëjmë së bashku. Punonjësit e policive të Shqipërisë dhe Kosovës le të bëjnë bashkë pushime, trajnime, kurse. Gjatë dimrit bëjmë kryesisht kurse, trajnime,” tha Balla.

Hapësira e ndërtimit është mbi 3000 metra katrorë edhe është një prej pasurive të konfiskuara në kuadër të luftës kundër krimit dhe korrupsionit, të cilat me ligj vendosen në përdorim të institucioneve shtetërore.

Ministri i Brendshëm i Kosovës Xhelal Sveçla nënvizoi se “lirisht mund të them se ne jemi krah për krah. Ta bëjmë bashkë, edhe për këtë sezon. Për trajnime, për gjithçka. Aspekti social është shumë i rëndësishëm. Patjetër duhet të shijojnë pak pushim jo vetëm aksione të përbashkëta kundër krimit“.

Balla dhe Sveçla kanë rënë dakord në emër të të dy vendeve që të bëjnë këtë investim të përbashkët, ku përveç ambienteve të pushimit dhe studimit, të ketë edhe funksione të tjera në kuadër të angazhimeve policore kundër trafiqeve. Ndërtesa e konfiskuar është në bregdetin e Vlorës dhe punonjësit e dy policive mund të shpenzojnë një pjesë të pushimeve në kushte mjaft të favorshme tek kjo qendër e re.

Lexo edhe :  “Gruaja më e votuar në primaret e Elbasanit u fut në listë të mbyllur”, Sula ironizon PD

Duke folur rreth mundësive të shfrytëzimit të hapësirave, Ministri Balla tha se “i hipim në autobus policët, nga Prishtina dhe për 3-4 orë janë këtu, vijnë këtu. Vijnë të premten e të dielën pasdite kthehen. Edhe krijojmë më shumë afërsi mes policive tona. Ky është hoteli, me të gjithë ketë hapësirën këtu. Mund të bëhen edhe mjedise të tjera sportive, fusha të ndryshme. Deti është fare pranë”./O.S

Të fundit

Dollari rënie drastike, euro në ngritje/ Kursi i këmbimit, 4 Prill 2025

Ditën e sotme në tregun valutor, monedha euro do të këmbehet me 98.8 lekë në blerje dhe 99.8 lekë...

Ndarja nga jeta e Margarita Xhepës, mbahen sot homazhet për ikonën e kinematografisë

Margarita Xhepa do të përcillet në banesën e fundit sot, pas homazheve që do të mbahen nga ora 10:00-13:00 në hollin e Teatrit Kombëtar të...

Hakera brenda SPAK, rrëmbehen dosjet e tre prokurorëve

Një ndërhyrje e paprecedentë kibernetike ka goditur Prokurorinë e Posaçme, duke vënë në pikëpyetje sigurinë e informacionit brenda institucionit më të rëndësishëm të hetimeve...

Temperaturat në rënie/ Moti për ditën e sotme

Ditën e sotme moti parashikohet të jetë i paqëndrueshëm. Era do të fryjë nga kuadrati i veriut me shpejtësi mesatare deri në 7m/s, hera-herës me...

Lajme të tjera

Web TV