Pasi secili prej tyre pati nga një deklaratë hapëse, ata u përballën me pyetje të zjarrta nga ligjvënësit amerikanë. BBC u ndal në disa nga pikat kyçe se çfarë po ndodh pikërisht në sallën ku po pyeten CEO-t.
“Çfarë dreqin po mendoje”, ishte një nga pyetjet që iu drejtua Mark Zuckerberg-ut nga senatori Ted Cruz në lidhje me një postim në Instagram që i drejton përdoruesit drejt materialeve të mundshme të abuzimit me fëmijët.
Megjithatë themeluesi i Mark Zuckerberg kërkoi që Apple dhe Google të luajnë një rol më të madh që t’i mbajnë fëmijët jashtë platformave.
BBC u ndal edhe në një situatë tjetër gjatë dëgjesës, ku disa të pranishëm nisën të qeshnin kur Zuckerberg tha se platformat e tij nuk i lejojnë përmbajtjet e qarta seksuale.
Nën “zjarrin” e senatorëve ishte edhe CEO i TikTok-ut, Shou Chew. Republikani John Cornyn e pyeti rreth marrëdhënies së TikTok me qeverinë kineze. Chew tha se kompania e tij nuk i shpërndan të dhënat e qytetarëve amerikanë me qeverinë kineze.
Sipas asaj që shkruajnë mediat, vetëm Zuckerberg dhe Chew pranuan të dëshmojnë vullnetarisht, ndërsa të tjerët morën një fletëthirrje.
Të pranishëm në sallë ishin edhe familjarë që kanë humbur fëmijët e tyre si pasojë e shfrytëzimit online.
Ligjvënësit amerikanë po hetojnë se si platformat e teknologjisë po trajtojnë përmbajtjet e dëmshme në internet dhe çfarë duhet bërë për të mbrojtur më mirë fëmijët./O.S
