ktorja Shannen Doherty vazhdon të përballojë betejën e saj me kancerin e gjirit në fazën 4 me optimizëm të jashtëzakonshëm. Në një episod të fundit të podcast-it të saj, “Let’s Be Clear”, ish-ylli i “Beverly Hills, 90210” rrëfeu disa detaje në lidhje me të gjithë rrugëtimin e saj shëndetësor, të cilin ajo po e vlerëson si një “mrekulli”.
Doherty tregoi edhe shpresën e saj të re për të ardhmen, duke zbuluar rezultatet pozitive të një trajtimi të fundit të kancerit që ka sfiduar pritshmëritë. Aktorja zbuloi se ajo është në një infuzion të ri të kancerit dhe pavarësisht pasigurive fillestare, këmbëngulja ka dhënë rezultat.
Duke folur me onkologun e saj, Dr. Amin Mirhadi, ajo shpjegoi:
Pas trajtimit të gjashtë apo të shtatë, ne vërtet e pamë atë duke thyer barrierën gjak-tru.
Duke e përshkruar ndikimin e këtij zhvillimi si një “mrekulli”, Doherty theksoi:
Për mua, kjo ndodh të jetë një mrekulli tani. Që hodha zarin dhe thashë, “Le të vazhdojmë”.
Teksa i mban të fshehta detajet e trajtimit të saj, aktorja qëndron mjaft pozitive për rezultatet. Gjatë gjithë rrugëtimit të saj nëntëvjeçar me kancerin, Shannen Doherty ka qenë e hapur dhe e sinqertë për të gjithë përvojën e saj./O.S
