Një serial i ri televiziv, me të cilin publiku i vendit nuk është mësuar, ka bërë bujë në Turqi. Arsyeja për “Dilber” duket se po ngjall reflekset konservatore të audiencës televizive turke me fustanet zbuluese dhe kërcimet sensuale. Seriali ka nisur të transmetohet vetëm javën e kaluar dhe tashmë po rrëmben vlerësimet pasi është diçka që nuk shihet shpesh në Turqi.
Sipas SKAI-t, reagime ka bërë edhe partneri konservator i Erdoganit, Devlet Bakhceli, i cili flet për një komplot, ndërkohë që qytetarët i kërkojnë ESR-së turke ndalimin e serialit ose ndryshimin e kohës së transmetimit.
“Këto ditë kur Turqia po udhëton në hapësirë dhe po kthen kokën në lartësi falë astronautit Alper Gezeravci, publikimi i personazhit të Dilberit, përmes një serie, është një kontradiktë e pakrahasueshme dhe një shenjë domethënëse konspiracioni në aspektin kohor”, tha Devlet Bakhceli.
Shikoni pjesë nga seriali që ka bërë bujë në Turqi dhe kërcimin sensual:
/O.S
