Fermerët spanjollë kanë vijuar edhe sot protestat ndërsa me mijëra traktorë kanë bllokuar rrugët në të gjithë vendin dhe po përparojnë drejt Barcelonës.
Forca policore rajonale e Katalonjës, ka shoqëruar disa nga protestuesit dhe po rekomandon që të minimizohet lëvizja e qytetarëve në rajon.
Protestat kanë qenë edhe temë debati dhe akuzash në kongresin spanjoll mëngjesin e sotëm.
Partia Popullore konservatore e opozitës (PP) ka akuzuar qeverinë e koalicionit të udhëhequr nga socialistët e kryeministrit Pedro Sánchez se ka vënë “dogmatizmin mjedisor” përpara nevojave të fermerëve./O.S
