Popullsia e vendit tonë po shkon drejt tkurrjes sistematike të popullsisë për shkak të rënies së lindjeve. Raporti më i fundit i INSTAT ka nxjerrë në pah se gjatë vitit 2023, erdhën në jetë 22.210 fëmijë, ose 2478 fëmijë më pak se vitin paraardhës kur u regjistruan 24.688 lindje.
Numri më i ulët i lindjeve është shënuar në Gjirokastër me 380, duke u pasuar nga Kukësi me 667 lindje dhe Berati me 818.
Edhe për vitin që lamë pas, qarku me shtesën natyrore më të lartë, është Tirana. Nga të dhënat mbi treguesit demografikë nga Instituti i Statistikave, në vitin 2023 pati 8144 lindje.
Por pozitiv në raportin më të fundit të INSTAT, është fakti se numri i vdekjeve është më i ulët se sa ai i lindjeve, krahasuar me një vit më parë. Gjatë 2023 ndërruan jetë 20.034 persona, nga 24 mijë në vitin 2023.
Përgjatë vitit që lamë pas, të dymbëdhjetë qarqet e vendit shënojnë rënie të numrit të vdekjeve. Qarku me numrin më të ulët të vdekjeve është Kukësi me 458, ndërsa qarku me numrin më të lartë është Tirana me 5118 vdekje, pasuar nga Fieri me 2176 humbje jete./E.T
