Pse ushqyerja me gji është e pazëvendësueshme

113 563 lexime

124,178FansaPëlqeje

Le ta nisim duke shkruar: të ulesh dhe të humbasësh peshë pa ushtrime shtesë është me të vërtetë një superfuqi e madhe dhe kjo është pikërisht ajo që bën gjidhënia. Por fuqitë e gjidhënies nuk qëndrojnë vetëm tek pamja e jashtme e nënave të reja, por edhe tek përfitimet e mrekullueshme biologjike, fiziologjike dhe psikologjike, si për nënat ashtu edhe për bebet.

Ne do t’ju tregojmë se çfarë mund t’ju sjellë ushqyerja me gji, kështu që, lexoni listën e mëposhtme:

Mund të humbisni peshë

Prodhimi i qumështit dhe ushqyerjes me gji është një punë e vështirë për trupin e një gruaje. Në fakt, mund të djegë deri në 500 kalori në ditë, sipas mjekëve obstetër dhe gjinekologë. Kjo është arsyeja pse shumë nëna të reja vërejnë se ato fillojnë të humbasin peshë pas lindjes: ato djegin më shumë kalori sesa konsumojnë dhe humbasin disa kile, pa ndonjë ushtrim shtesë.

Trupat e grave ndryshojnë përbërjen e qumështit për të përmbushur nevojat e foshnjës

Bebet rriten shpejt dhe gjithmonë kanë nevojë për proteina shtesë, minerale dhe vitamina në varësi të fazës së zhvillimit ku ndodhen ose nëse luftojnë kundër ndonjë sëmundjeje, si një ftohje e zakonshme. Kjo është arsyeja pse mund të thuhet se qumështi i gjirit është “i zgjuar”. Ai ndryshon formulën e tij për të përmbushur nevojat e fëmijës. Kjo mund të ndodhë nga java në javë ose edhe nga dita në ditë.

Ai siguron qelizat burimore për fëmijën

Një foshnjë në rritje ka ende nevojë për ndihmë nga nëna për të vazhduar zhvillimin e trupit të tyre. Qumështi i gjirit është thelbësor për këtë proces pasi përmban qelizat e gjalla, ose më e rëndësishmja qelizat burimore, të cilat udhëtojnë nëpër trupin e foshnjës për t’u bërë pjesë e trurit, zemrës, veshkave ose indeve të eshtrave të tyre.

Lexo edhe :  Arta Bajrami rrëfen dramën personale: Dy fëmijë me autizëm, por nuk dorëzohem

E bën nënën dhe foshnjen më të lumtur

Ushqyerja me gji stimulon trurin e nënës dhe foshnjës për të lëshuar oxytocin, hormoni përgjegjës për t’i bërë ata të përjetojnë lumturi dhe siguri. Gjidhënia, gjithashtu qetëson nënën dhe stabilizon nivelin e saj të stresit dhe ankthit në një shkallë të shëndetshme.

Mbron gjithashtu foshnjën nga sëmundjet

Shkencëtarët pohojnë se sëmundjet e zakonshme të foshnjave dhe infeksionet si veshi, frymëmarrja dhe infeksionet gastrointestinale, kanë një shans më të ulët të shfaqjes tek fëmijët që ushqehen nga qumështi i nënës. Qumështi i gjirit ka veti mbrojtëse që përgatisin dhe mbrojnë fëmijën nga disa lloje infeksionesh.

I bën fëmijët më të zgjuar

Qumështi i gjirit mund t’i ndihmojë gjithashtu fëmijët, për t’i bërë ata më të zgjuar. Sipas studimeve, sa më shumë të ushqehet me gji një foshnje, veçanërisht në 28 ditët e para pas lindjes, aq më i lartë është ndikimi pozitiv në rritjen dhe zhvillimin e trurit, gjë që rrit aftësitë njohëse dhe inteligjencën e tyre./E.Ç

Të fundit

Doni lëkurë të pastër? Ja si ta përdorni të bardhën e vezës për të trajtuar fytyrën

Një nga gjërat që shumica e njerëzve harrojnë të përfshijnë në rutinën e tyre është kujdesi për lëkurën. Nga dielli...

Haiti, vriten tre persona, mes tyre vajza e një kongresmeni amerikan

Tre misionarë të organizatës amerikane “Misionet në Haiti”, qendra e të cilëve ishin vendosur në Oklahama janë vrarë pasi u zunë pritë nga një...

“Peshkaqenët e borxheve”/ Deralla: Në vitin 2020 Banka e Shqipërisë mori një plan masash

Gjykata e Tiranës ka lënë në fuqi masat e sigurisë për 9 personat e përfshirë në skandalin e zhvatjes së qytetarëve nëpërmjet te ashtuquajturave...

Skënderbeu mposht Vllazninë në sfidën për vendin e tretë, shkodranët në Conference League

Skënderbeu është fitues i takimit për vendin e tretë të renditjes në Kategorinë Superiore, pas triumfit ndaj Vllaznisë në “Final Four”, megjithatë në Conference...

OBSH: COVID-19 shkurtoi jetëgjatësinë në botë

Pandemia COVID-19 shkurtoi jetëgjatësinë në botë për gati dy vjet, kur u përhap nga viti 2019 dhe 2021, duke zhbërë një dekadë përparim, tha...

Lajme të tjera

Web TV