Deputeti i Partisë Demokratike Luan Baçi deklaron se tashmë procesi i bashkimit të demokratëve ka përfunduar dhe sipas tij opozita është më e fortë se kurrë.
Gjatë një interviste televizive Baçi thekson se rrugët janë të hapura për çdo afrim, pasi kam respekt për çdo koleg që ka dalë nga ajo listë në vitin 2021.
Ndërsa thotë se mbështet çdo protestë të qytetarëve, ai futet në Kuvend më herët se të gjithë dhe shkon bashkë me mazhorancën dhe voton ato që kërkon mazhoranca. Dhe në këtë kuptim ai është i pabesueshëm në këtë kuptim.
Protesta e 20 shkurtit është një nismë që vjen në kohë të vështira për vendin, i cili përballet me një krizë të paprecedentë ekonomike që ka çuar në shpopullimin e vendit.
Po ashtu, kemi mashtrimin e qeverisë me studentët e universiteteve. Po ashtu është një protestë për fermerët që janë më të persekutuarit në këtë periudhë.
Të vijnë të gjithë në Tiranë, me gjithë mjetet që ato kanë dhe të bllokojnë çdo rrugë të vendit çdo ditë deri në realizimin e kërkesave të tyre dhe reflektimin e kësaj qeverie që tallet me ta.
Natyrisht protesta ndryshon shumë gjëra. Numri i madh i qytetarëve në shesh, kërkesat dhe vendosmëria e tyre për të ndryshuar dhe për t’i treguar kësaj qeverie që janë në minorancë tashmë, dhe jo në mazhorancë”, theksoi ndër të tjera ligjvënësi demokrat, Luan Baçi./ S.M
