Pse nuk duhet të hani kurrë ushqim në tavolinën e punës

113 563 lexime

124,178FansaPëlqeje

Shumë njerëz mendojnë se nëse konsumojnë vaktin e drekës gjatë orarit të punës, praktikisht para kompjuterit dhe tryezës, ata i kursejnë vetes kohë dhe e bëjnë kësisoj më të menaxhueshme punën e tyre brenda orarit zyrtar.

Por, a nuk duhet një balancë mes stilit të jetës dhe karrierës? Dy ekspertë e morën në studim këtë rast, për të provuar nëse vërtet të ngrënit në tryezën e punës është një ritual që ruan produktivitetin, njëherësh edhe një mënyrë e pranueshme ushqyerje.

Një raport i ezCater i vitit të kaluar, anketoi më shumë se pesë mijë punonjës në SHBA, ndërsa rezultatet zbuluan se më shumë se 48% e tyre anashkalonin një pushim të vërtetë në drekë, larg ambientit të zyrës dhe punës.

Faktorët që ndikonin në këtë vendim ishin realisht të ndryshëm. Raporti zbuloi se 23% e punonjësve e bënin këtë për të mbaruar punën brenda orarit zyrtar, 22% folën për frikën se nuk do kishin mjaftueshëm kohë për të përfunduar detyrat e tyre e 20% të tjerë u shprehën se kishin shumë takime pune gjatë orarit të pushimit.

Shumë njerëz theksuan faktin se të qenit shumë të zënë për të bërë një pushim të mirëfilltë në drektë ishte motivi kryesor pse përfundonin duke ngrënë në tavolinën e punës. Ekspertët në fakt, thonë se ju duhet të hiqni dorë nga ky zakon nëse e praktikoni çdo ditë, sepse në terma afatgjatë, të ngrënit para tavolinës së punës dhe fakti që nuk largoheni për pak minuta nga ambienti i punës çon në stres dhe paqartësi mendore.

Pavarësisht se punonjësit mendojnë se anashkalimi i pushimit të drekës kursen kohë, realiteti tregon të kundërtën, pra që ky zakon ul fokusin dhe produktivitetin.

Lexo edhe :  Arbana Osmani drejt rikthimit në ekran, këtë herë në një tjetër televizion

Ndërsa, njerëzit që marrin kohën e tyre të pushimit të drekës, për të konsumuar vaktin apo për të pirë një kafe, reagojnë se kanë më shumë qartësi mendore kur kthehen në zyrë.

Në ditët e sotme të punës me ritme të shpejta, shumë individë e gjejnë veten në punë edhe gjatë drekës, duke besuar se kjo strategji kursen kohë dhe afërmendsh çon në një largim më parë ose në kohë nga zyra.

Por, një tjetër përfitim i rëndësishëm, gjithnjë nëse ju vendosni ta konsumoni drekën jashtë punës është fakti se ju vendosni qëllime dhe një ekuilibër të mirë mes angazhimeve profesionale dhe jetës./E.Ç

Të fundit

Joe Biden me kancer “agresiv”, reagon Donald Trump: Jam i pikëlluar

Presidenti i Shteteve të Bashkuara të Amerikës, Donald Trump ka reaguar i pikëlluar në lidhje me lajmin e ish-presidentit,...

“Me merr malli për Gertin”, përlotet Edlira Çepani: Na la dashuri sa për tre jetë

Ndonëse janë bërë 8 muaj nga ikja e parakohshme nga kjo jetë e ish-deputetit Gerti Bogdani dhimbja është e madhe në shtëpinë e tij,...

Topalli:PS manipuloi votat e diasporës,shifra që nuk i arrin as inteligjenca artificiale!

Drejtuesja politike e PD për diasporën, Jozefina Topalli, ka bërë një postim në rrjete sociale, përmes të cilit akuzon Partinë Socialiste për manipulim të...

Manipulim me votave në diasporës? KQZ e quan “problem teknik”

KQZ ka hedhur poshtë pretendimet e opozitës, duke thënë se mospërputhja mes fletëve të votimit dhe zarfeve nuk lidhet me ndërhyrje apo manipulime, por...

Lajme të tjera

Web TV