Vaji i avokados përmban më shumë se 14 minerale, aminoacide esenciale, fibra, vitamina të kompleksit B, vitaminë K dhe më shumë se kaq. Vaji i avokados është një vaj natyral i përftuar nga shtypja e pulpës së avokados. Pothuajse 70% e vajit të avokados është acid oleik i shëndetshëm, një acid yndyror i pangopur omega-9. Ky acid yndyror është gjithashtu përbërësi kryesor i vajit të ullirit dhe konsiderohet pjesërisht përgjegjës për përfitimet e tij shëndetësore. Për më tepër, rreth 12% e vajit të avokados është yndyrë e ngopur dhe rreth 13% është yndyrë e pangopur.
Vaji i avokados ka një raport të lartë omega-6 me omega-3, ndërsa ne zakonisht duam një raport prej rreth 3:1 ose 2:1 për një shëndet më të mirë. Por kjo nuk duhet të jetë shqetësuese, pasi sasia totale e omega-6 është relativisht e vogël. Shumica e hulumtimeve sugjerojnë se një dietë e pasur me yndyrna të pangopura është e dobishme për shëndetin dhe mund të zvogëlojë rrezikun e sëmundjeve kronike.
Për shkak të shijes së tij të lehtë dhe të freskët, vaji i avokados është i përsosur për të marinuar mishin, ushqimet e detit dhe perimet. Të paktën dy orë para pjekjes, shtoni vaj avokado në erëzat tuaja të preferuara dhe marinoni mishin. Vaji i avokados është plot me yndyrna të shëndetshme. Për salcën e sallatës, zëvendësoni vajin vegjetal me vaj avokado dhe shtoni majonezë ose kos, lëng limoni, hudhër, kripë dhe piper dhe çdo erëz që ju pëlqen.
Vaji i avokados është një burim i mirë i yndyrave të pangopura, të cilat mund të përmirësojnë përthithjen e vitaminave të tretshme në yndyrë (A, D, E dhe K) dhe lëndëve të tjera ushqyese nga ushqimi. Aplikimi lokal ose konsumimi i vajit të avokados mund të kontribuojë në hidratimin e lëkurës dhe të ndihmojë në reduktimin e simptomave të psoriazës dhe ekzemës. Ka shumë ilaçe dhe suplemente që njerëzit mund të marrin për të patur flokë të shëndetshëm, por shumë prej tyre vijnë me efekte anësore të padëshiruara që çojnë në probleme të tjera. Një nga mënyrat më efektive për të mbajtur flokët e shëndetshëm është të përfshini vajin e avokados në dietën tuaj dhe madje ta masazhoni atë në lëkurën e kokës. /O.S
