Deputetja demokrate, Jorida Tabaku duket se ka vendosur se cilit grupim do ti përkasë brenda Partisë Demokratike.
Ditën e sotme ajo ka dalë së bashku me deputetet mbështetëse të ish kryeministrit Sali Berisha, në gjykatën kushtetuese ku së bashku me disa deputetë të tjerë ka firmosur kërkesën për shfuqizimin e ligjit për tatimin e profesioneve të lira.
Tabaku nuk i ishte bashkuar më parë mbledhjeve të përbashkëta të Rithemelimit dhe deputetëve mbështetës të Gazment Bardhit, ndërkohë që në protestën e fundit nuk ishte në vijën e parë së bashku me deputetët e tjerë, por preferoi ta ndiqte nga radhët e mesit.
Pas dërgimit të kërkesës në kushtetuese, ajo qëndroi për disa momente ne një nga zyrat e kuvendit së bashku me Agron Gjekmarkajn, Gazment Bardhin dhe Lefter Gështenjën.
“Duke shijuar bashkimin cilësor në diversitet”, shkruan Gjekmarkaj, i cili e postoi foton në Facebook.
Pas daljes së sotme së bashku me deputetët e Rithemelimit Koliqi dhe Koti, pritet të shihet nëse Tabaku do të marrë pjesë në mbledhjet e grupit parlamentar që thirren nga Gazment Bardhi dhe mbahen ne selinë e PD./O.S
