Të krishterët palestinezë presin Pashkën më mes të luftës

113 563 lexime

124,178FansaPëlqeje

Ushtria izraelite ka publikuar sërish imazhe të ofensivës së saj në Gazë duke thënë se ka vënë në shënjestër infrastrukturën që përdoret nga Hamasi dhe një tunel. Ndërkohë Shtetet e Bashkuara kanë kryer fluturime mbi Gazë për të lëshuar nga ajri të ndihmave humanitare tejet të nevojshme për popullatën civile.Dhjetra të krishterë të strehuar në Kishën e Familjes së Shenjtë në Gazë u mblodhën për të marrë pjesë në meshën e së Premtes së Mirë.

Rreth 600 njerëz jetojnë në kompleksin e kishës, ku kanë kërkuar strehim pas shpërthimit të luftës Izrael-Hamas më 7 tetor, tha drejtori i strehës së kishës, George Antoun.

“Ne përballemi me frikën e përditshme të bombardimeve të Izraelit dhe snajperëve. Ne gjithashtu përballemi me urinë që ekziston në vend”, tha ai.

Sipas raportit ndërkombëtar të lirisë fetare të Departamentit të Shtetit për vitin 2022, rreth 1,300 të krishterë jetonin në Gazë dhe rreth 50,000 palestinezë të krishterë jetojnë në Bregun Perëndimor dhe Jerusalem.

Ndërkohë, Forcat Ajrore të Shteteve të Bashkuara kryen operacione ajrore nga një vend i pazbuluar mbi Gazë të premten.

Operacionet amerikane përfshinë aeroplanë C-17 dhe personel me ekspertizë nga Baza e Përbashkët ‘Charleston’ e Karolinës së Jugut për të përshpejtuar shpërndarjen e ndihmave për civilët e prekur nga konflikti i vazhdueshëm në Gazë. Shtetet e Bashkuara kanë kryer 18 misione të kombinuara ajrore që nga 2 marsi për të ndihmuar popullsinë civile në Gazë.

Ndërkaq Izraeli ka vazhduar me ofensivën kundër grupit militant palestinez, Hamas, të cilin Shtetet e Bashkuara dhe Bashkimi Evropian e kanë përcaktuar si organizatë terroriste.

Imazhet e publikuara nga ushtria izraelite sot (të shtunën) thuhet se tregojnë atë që ushtria izraelite i përshkroi si sulme ndaj objektivave të Hamasit në Gazë.

Lexo edhe :  ‘Sherr’ në Shtëpinë e Bardhë para Trump, Elon Musk përplaset me Marco Rubion për USAID

Ushtria i përshkroi objektivat si “infrastrukturë” që përdoren nga Hamasi dhe një “hyrje tuneli”.

Agjencia e lajmeve ‘Reuters’ njoftoi se nuk ishte në gjendje të verifikonte në mënyrë të pavarur vendndodhjen ose datën kur u filmua video.

Izraeli thotë se ka në shënjestër militantët e Hamasit që përdorin ndërtesat civile, duke përfshirë blloqe apartamentesh dhe spitale. Hamasi i mohon këto akuza.

Lufta shpërtheu më 7 tetor pasi militantët e Hamasit sulmuan Izraelin dhe vranë 1200 njerëz dhe kapën 253 pengje, sipas të dhënave izraelite.

Izraeli është kundërpërgjigjur duke nisur një sulm ajror dhe tokësor ndaj Hamasit në Rripin e Gazës që sipas të dhënave të pakonfirmuara në mënyrë të pavarur të autoriteteve shëndetësore të Hamasit, ka vrarë më shumë se 32,000 njerëz./O.S

Të fundit

Integrimi në BE, ministrja suedeze: Shqipëria po përparon me shpejtësi

Ministrja suedeze për Çështjet e Bashkimit Europian, Jessica Rosencrantz, do të vizitojë Shqipërinë më 10-11 mars për të takuar...

Komisioni i Medias dëgjesë me kandidatët për Këshill Drejtues në RTSH!

Në Komisionin e Medias, sot u zhvillua seancë dëgjimore me kandidatët për anëtarë të Këshillit Drejtues të Radiotelevizionin Shqiptar, pas shkarkimit nga Kuvendi të...

Doni një lëkurë të shëndetshme dhe plot shkëlqim? Ja ushqimet që duhet të konsumoni

Pavarësisht kujdesit me kremra dhe apo trajtimeve të ndryshme, njerëzit duhet t’i kushtojnë rëndësi edhe ushqimeve që konsumojnë Pavarësisht kujdesit me kremra dhe apo trajtimeve...

Ali Ahmeti takim me ambasadorin e Shqipërisë në Maqedoninë e Veriut

Kreu i BDI-së, Ali Ahmeti ka pritur në një takim ambasadorin e Shqipërisë në Maqedoninë e Veriut, Denion Meidanin. Në një postim në rrjetin social,...

Çfarë pritet nga bisedimet SHBA-Ukrainë në Arabinë Saudite?

Gjatë përplasjes së tyre në Zyrën Ovale, presidenti amerikan, Donald Trump, i tha homologut ukrainas, Volodymyr Zelensky, se “t’i aktualisht nuk i ke letrat”. Deklaratat...

Lajme të tjera

Web TV