Ish-kryeministri, Sali Berisha ka reaguar në rrjetin e tij social Facebook në lidhje me aksidentin tragjik, të ndodhur mëngjesin e sotëm në Këlcyrë.
Berisha shprehet se dita e sotme është një ditë zie dhe dhimbjeje.
Gjithashtu, lideri demokrat dënon indiferencën e plotë të shtetit ndaj pasigurisë së jetës, si edhe politikën e shpopullimit të narkoqeverisë shqiptare.
“Ditë zie dhe dhimbje!
Makina bie në Vjosë tetë të vdekur!
Miq, sot herët në mëngjes automjeti me 8 vetë brenda, ndër të cilët 7 emigrantë, ra në Vjosë, në Kylcyrë dhe të tetë personat humbën jetën. Tragjedi e vërtetë! Zi e rëndë!
Shpreh ngushëllimet më të ndjera familjeve të këtij aksidenti tragjik, lutem të gjejnë forcë për të përballuar këtë gjëmë të rëndë. Dënoj pasigurinë e madhe të sistemit rrugor të vendit, indiferencën e plotë të shtetit ndaj kësaj pasigurie dhe politikën e shpopullimit të narkoqeverisë shqiptare.”, shkruan Berisha./ S.M
