Nuk të jep fitore “vula” e partisë

113 563 lexime

124,178FansaPëlqeje

Nga Artur Ajazi

Nuk të jep vula dhe flamuri partisë as fitoren, as humbjen, por ta jep konkurrenca e ndershme, vota e lirë, programi politik ambicioz që një parti apo lider shpalos.

Ka 2 vjet që Rithemelimi justifikohet me argumentin se “vula mban peng fitoren tonë mbi qeverisjes Rama”. Madje thonë se “sapo të marrim vulë, do rrëzojmë qeverinë”. Kjo dhe mjaft broçkulla të tjera, janë bërë objekt i fjalimeve dhe ligjëratave nga rithemeluesit dhe shpura e tyre në rrugica, oborre selish, parlament, bulevarde, dhe takime “gju më gju me popullin”. Pra i bie që, “vula qenkësh sekreti dhe pika kyçe, nga ku varet fitorja e Berishës, dhe humbja e Ramës”.

Në keni dëgjuar gjëkundi budallallëk më të madh se ky, hajde ta bëjmë pastaj skenar seriali filmik. Nuk të jep vula dhe flamuri partisë as fitoren, as humbjen, por ta jep konkurrenca e ndershme, vota e lirë, programi politik ambicioz që një parti apo lider shpalos para mbështetësve dhe bazës së asaj force politike. Nuk të jep vula fitoren në zgjedhjet brenda partisë, apo në zgjedhjet vendore apo parlamentare.

Në fushata zgjedhore, qoftë edhe një individ mund të dalë ballazi para çdo force politike dhe ta mposhtë atë me argumente dhe premtime reale. Nuk të jep vula fitoren, kur ke 1001 probleme brenda “familjes tënde politike”, dhe kur nuk mbledh dot njerëzit rreth teje. Nuk të jep vula fitoren në zgjedhje, kur ti edhe me “vulë” ke humbur nja 7 palë zgjedhje dhe je rrudhur aq shumë sa nuk mbledh dot as çerekun e çerekut të partisë në bulevarde. Por tanimë problemi i “vulës, firmës, simboleve”, është kthyer në pretekst, në teatër dhe komedi brenda asaj force politike.

Lexo edhe :  Përse i duhet Ilir Metës simbolika e fitores së partisë së Gruevskit?

Po të isha si Basha, do t’ia jepja vulën Rithemelimit dhe nuk do të zhgënjehesha, pasi në 2025 humbja e tyre do të ishte më e madhe se 4 vite më parë. Pse ndodh kjo?

Për 1001 arsye, por më kryesorja mbetet, mungesa e argumenteve për të bindur shumicën brenda partisë, pasi nuk bëhet fjalë për shumicën e shqiptareve. Duke e kthyer në problem madhor, apo dhe “kauzë” të partisë, ndoshta kreu i Rithemelimit ka menduar se, problemi i vulës do të zgjasë pa fund, madje edhe për të justifikuar humbjen e radhës. Duhet një shkak, për t’i thënë demokratëve në 2025 se “ja humbëm sërish, sepse Edi Rama nuk na dha vulën e partisë”.

Ndaj, si me vulë dhe pa vulë, mendoj se fatin e fitores apo humbjes e vendosin të tjerë faktorë bindës, sidomos në fushata elektorale, ku shpalosja programeve dhe alternativave, nuk ka nevojë për skenarë dhe “spërdredhje” të tepërt. Vota merret duke i bindur njerëzit dhe jo duke i mashtruar ata me mllefet ndaj kundërshtarit politik./   S.M

Të fundit

Avionët luftarakë “Rafale”, Franca merr vendimin e papritur ndaj Serbisë

Pak ditë më parë presidenti serb, Aleksandar Vuçiç zhvillon një takim me homolgun e tij në Francë, Emmanuel Macron...

E vërteta e naftës së Shpiragut

Nga Fatos Çoçoli Për shkak të shtimit të prodhimit dhe shitjeve të makinave elektrike kudo në botë(shitjet e tyre kanë kapur 18 përqind të totalit...

FOTO/ Pas daljes nga shtëpia e “Big Brother”, Ledjona bën ndryshimin drastik

Ledjona Xheladinaj ka vendosur që të bëjë një ndryshim të papritur në imazhin e saj. Ish-banorja e Big Brother Vip 3, ka ndryshuar ngjyrën e...

“Dronët iranianë mund të bëjnë kërdinë”/ Analiza mbi goditjen e Izraelit

Irani ka nisur dhjetëra dronë dhe raketa balistike drejt Izraelit, duke kryer një sulm të pashembullt kundër armikut të tij të përbetuar. Në mesin...

Përse i duhet Ilir Metës simbolika e fitores së partisë së Gruevskit?

Nga Mero Baze Ashtu si Albin Kurti në Kosovë, edhe Ilir Meta në Shqipëri mori pozicion të qartë në zgjedhjet që zhvillohen në Republikën e...

Lajme të tjera

Web TV