Gjykata e Durrësit ka lënë në fuqi mesditën e kësaj të diele masën e sigurisë arrest me burg për ish-zyrtarët e hipotekës të cilët akuzohen për falsifikim pronash në Spitallë.
Më konrektisht arrest me burg për:
-Lirim Xhameta, 58 vjeç dhe Dashnor Taulla., 61 vjeç, të dy banues në Durrës, për veprat penale “Mashtrimi” dhe “Pastrimi i produkteve të veprës penale ose veprimtarisë kriminale”;
-Ardit Kërtusha, 33 vjeç dhe Gjovalin Ndoci, 44 vjeç, të dy banues në Durrës, për veprën penale “Pastrimi i produkteve të veprës penale ose veprimtarisë kriminale”;
-Leonard Kadrimi, ish-zv/drejtori i Hipotekës së Durrësit ( 2018-2020).
Në kërkim:
-M. Z., 46 vjeç, banues në Durrës, ish-jurist i ASHK Durrës, për veprën penale “Shpërdorimi i detyrës”;
-K. K., 65 vjeç, banues në Durrës, “Mashtrimi” dhe “Pastrimi i produkteve të veprës penale ose veprimtarisë kriminale”.
Ndërkohë, 9 të tjerë, Muzejen Xhameta, 55 vjeçe, Klaudio Xhameta, 34 vjeç, Ëngjëll Taulla., 63 vjeç, Kastriot Taulla, 58 vjeç, Shkëlqim Taulla, 66 vjeç, Shqiponjë Vaka., 68 vjeçe, Bukuroshe Bega, 59 vjeçe, Oliver Xhamuça., 46 vjeç dhe Aida Kila, 47 vjeçe (ish-juriste e ASHK Durrës), janë nën masën e sigurisë detyrim për paraqitje.
Kujtojmë se operacioni u zhvillua tre ditë më parë ku u sekuestrua rreth 500 mijë metra katrorë tokë publike dhe rezultoi se personat e lartpërmendur në bashkëpunim me njëri-tjetrin kanë tjetërsuar dokumentet, duke zhveshur nga pronësia tokat që i përksinin shtetit shqiptar dhe kalimin e tyre personave pa të drejtë./O.S
