Kreu i PL-së, Ilir Meta ka folur me nota ironie dhe talljeje për Lulzim Bashën, kreun e PD-së së vulës.
Gjatë një prononcimi për mediat nga Fieri, Meta tha se Lulzim Basha gënjen edhe kur fle gjumë.
Ai deklaroi se shqiptarët e dinë se kush është Basha, ndërsa theksoi se ky i fundit është përbuzur dhe braktisur nga të gjithë.
“Edhe këtë e ka thënë Lulzim Basha. Normal, unë mesa duket e ka inciuar djegien e mandateve për t’i krijuar mundësinë Edi Ramës që të kishte 130 deputetë dhe të më shkarkonte mua si President, akt për të cilin i duheshin 94 vota çdo ditë apo 24 herë në ditë.
Se kush është Lulzim Nasha tani këtë e dimë të gjithë, e dinë të gjithë shqiptarët. Është një njeri i braktisur, është një njeri i përbuzuar nga të tërë për aktet e rënda të vetëdijshme të tradhtisë që ka bërë ndaj demokratëve në radhë të parë, por edhe ndaj shqiptarëve që i ka lënë pa opozitë, për shërbimet e pafundme të këtij regjimi dhe unë kam një pyetje për ju.
Të gjithë e dinë që zgjedhjet vendore u shtynë nga Prsidenti Meta në atë kohë me kërkesë të Lulzim Bashës dhe me premtimin se ai do të hynte në zgjedhjet, datën e të cilave e caktoi vetë, atëherë si shpjegohet se e vetmja parti opozitare që nuk u regjistrua në KQZ ishte vetëm partia e Lulzim Bashës. Lulzim Basha edhe kur fle gënjen”, theksoi Meta./ S.M
