Elton Deda njihet si një njeri që nuk ngurron t’i shprehë kritikat artistike.
I ashpër ka qenë në kritikën e tij edhe ndaj Eurovision, duke e cilësuar si një “palo aktivitet që nuk gjeneron asgjë profesionale”.
Në një status në Facebook, artisti i mirënjohur shkruan se festivali europian është “thjesht një kafe luksoze me banakun bosh, ose në më të mirën e rasteve me pije të skaduara.”
“Nuk do merrem fare me çfarë përfaqëson Besa si personazh, si këngëtare, si figurë publike apo si këndoi ne Eurovizion. Nuk do merrem se më shkoi goja mbrapa duke thënë që ai palo aktivitet që nuk gjeneron asgjë profesionale, nuk duhet të merret në konsideratë nga asnjë profesionist. Është thjesht një kafe luksoze me banakun bosh, ose në më të mirën e rasteve me pije të skaduara. Unë them ti kthehemi halleve tona dhe ta lemë fasadën bosh në punën e vet. Besës i uroj suksese në projekte të tjera dhe këndoftë gjithmonë siç di ajo”, shkruan Deda në reagim./E.Ç