Qytetarët mbajtën sot një marshim në sheshin ‘Skëndërbej’ për të kundërshtuar projekt ligjin për Surrogacinë, Abortin dhe Shëndetin Riprodhues të Grave dhe Vajzave.
Në shesh u mblodhën dhe firma për peticionin kundër këtij projekt ligji që ende nuk është kaluar për miratim në parlament. Tubimi ‘Pro Jetës dhe Familjes’ u organizua nga Koalicioni Pro Familjes, pastori Akil Pano.
Ai mbajti edhe fjalën e tij ku është shprehur se jeta dhe ekzistenca e familjes sonë po kërcënohet dhe fton qytetarët të bashkohen për të firmosur peticionin dhe për të kundërshtuar projekt ligjin për surrogacinë.
Ndërkohë për mikrofonin e Report Tv, një qytetar shpreh kundërshtinë e tij për projekt ligjin duke i bërë thirrje edhe prokurorit të Tiranës të veprojë lidhur me ‘martesën’ e para pak ditëve në tarracën e bashkisë së Tiranës midis dy vajzave, pasi siç thotë ai ishte e paligjshme.
‘Sigurisht e kundërshtojmë. Është surrogacia, një term që nuk e mban dot nëna shqiptare. Kemi sterilizimin që i hap rrugë dexhenderzimit dhe trans seksualëve. Dhe duke parë shfaqjen e fundit tek Liqeni dhe së fundmi atë martesë. Para disa kohësh ishte mjeku i Shefqet Ndroqit që është në burg sepse kishte 4 gra. Kishte martesë të paligjshme tek tarraca e bashkisë. I bëj thirrje prokurorit të Tiranës të ndërmarrë hapa.’/E.T