Kryeministri Edi Rama ka publikuar detaje nga ceremonia shtetërore në nder të Ismail Kadaresë, korifeut të letrave shqipe.
Rama ka bërë të ditur se në orën 09:00, do të kryhen homazhet publike në Teatrin Kombëtar të Operas, Baletit dhe Ansamblit Popullor.
Gjithashtu, ai ka njoftuar se në orën 11:30 do të mbahet ceremonia shtetërore e Lamtumirës dhe në 12:30 niset kortezhi në drejtim të varrezave të Tufinës.
Kujtojmë se qeveria ka shpallur të martën dhe të mërkurën ditë zie, pas ndarjes nga jeta të Ismail Kadaresë. Kadare, konsiderohet si një nga kolosët e letërsisë shqiptare. Autori i dhjetëra romaneve, poezive dhe eseve është një ndër shqiptarët më të njohur në botë, me veprat e tij të përkthyera në mbi 45 gjuhë të ndryshme të botës.
Kadare, ka qenë disa herë me radhë kandidat për çmimin Nobel për letërsinë, ndërkohë që janë të shumta vlerësimet prestigjioze ndërkombëtare për veprën e tij, si International Booker Man Prize, Prince of Asturias Aëard, Jerusalem Prize, Neustadt International Prize, Nonino, Park Kyong-ni./ S.M