Pas pesë vitesh, restaurimet e pallatit mbretëror në krahun lindor kanë përfunduar. Nga java tjetër godina do jetë e hapur për vizitorët, të cilët do kenë mundësinë të shikojnë nga afër strukturën e veçantë, e mbushur me vepra arti.
Në vend të pamjes nga jashtë, tashmë mund të zbuloni pamjen e dhomës pas ballonit më famshëm të “Buckingham Palace”.
Pas 5 vitesh punime për rinovim, krahu lindor i pallatit është restauruar dhe do të hapet për vizitorët me pagesë nga java e ardhshme.
Për të shkuar në ballkon, zakonisht anëtarët mbretërorë kalojnë nëpër dhomën qendrore.
I gjithë korridori është i shtruar me tapet të kuq, ndërsa muret janë të veshura me dizajn kinez.
E kuqja e tapetit kombinon me perdet, të cila gazetari britanik Robert Hardman, i ka përshkruar si më të famshmet në botë.
Kjo pjesë e pallatit u ndërtua 175 vjet më parë.
Përgjegjësit e sigurisë, kanë këshilluar vizitorët të tregojnë kujdes gjatë daljes në ballkon, pasi kangjellat janë të ulëta deri në lartësinë e belit.
Megjithatë, që aty premtohet një pamje e mrekullueshme ku mund te merret një panoramë e plotë e turistëve, oborri me zhavorr rozë dhe rruga që të con drejt qendrës tregtare.
Ndërtimi i krahut lindor të Pallatit Buckingham u financua nga Mbretëresha Victoria, e cila ndërthuri stilin aziatik, që mund të vërehet në dyer, pikturat ne shtylla, oxhak, etj.
Një projekt i planfikuar prej 369 milion £, do të shërbejë për të rinovuar të gjithë kompleksin e pallatit, jo vetëm sipërfaqet e praruara, por edhe rrjetin hidraulik e elektrike.
Rinovimi i krahut lindor ishte mjaft i rëndësishëm, pasi aty ndodhen 3500 artikuj të veçantë, si mobiliet historike dhe vepra e arti. S.M
