Nëse keni nisur rrugëtimin e humbjes në peshë, pavarësisht asaj që ju motivon, mund të jetë zhgënjyes fakti që peshorja nuk lëviz asnjë gramë nga pesha, pavarësisht përpjekjeve për të mbajtur dietë apo stërvitjeve në palestër.
Harrojini dietat kufizuese dhe stërvitjet me orë të zgjatura! Është koha të kuptoni disa arsye, ndoshta edhe të fshehta se pse ju nuk po dobësoheni dot. Dietologia Jessica Ball rendit gjashtë prej motiveve më kryesore dhe ja për çfarë bëhet fjalë:
#1 Jeni duke u fokusuar në eliminimin e ushqimeve dhe kufizimin e kalorive
Shumica e njerëzve i eliminojnë shpejt ushqimet dhe kufizojnë shumë kaloritë për të humbur peshë, por të qenit shumë kufizues mund të çojë në rezultate të dështuara. “Kufizimi jep idenë e privimit nga ushqyerja, gjë që mund të shkaktojnë ngrënie të tepërt. Në vend të kësaj, përqendrohuni në balancimin e vakteve me shumë proteina, fibra dhe ushqime që ju pëlqen të hani,” thotë dietologia Jessica Barron.
#2 Po anashkaloni vaktet
Kapërcimi i vakteve ose qendrimi shumë gjatë pa ngrënë çon në uri dhe dëshirë për ushqime jo të shëndetshme. Kjo mund të shkaktojë të ngrënit impulsiv, shumë shpejt ose konsum thjesht të gjërave që ju pëlqejnë më shumë.
#3 Jeni në dietë kronike
Dieta kronike dhe konsumimi i pamjaftueshëm i kalorive mund të ngadalësojnë metabolizmin tuaj, duke e bërë më të vështirë humbjen e peshës apo rikthimin e saj më lehtë. Kur jeni në një defiçit ekstrem të kalorive për një kohë të gjatë, metabolizmi ngadalësohet për të ruajtur energjinë dhe ju praktikisht vetëm shtoni kilogramët.
#4 Po hani pak karbohidrate dhe nuk keni mjaftueshëm fibra
Dietat me pak karbohidrate janë të gjitha dieta të modës që shumë njerëz pretendojnë se i ndihmuan ata të humbnin peshë. Por, shkenca tregon se të rrish shumë gjatë pa ngrënë karbohidrate, ose duke ngrënë shumë pak karbohidrate, mund të çojë në marrjen e tepërt të kalorive. “Karbohidratet janë thelbësore për energjinë dhe funksionin e trurit. Dietat me pak karbohidrate mund të çojnë në lodhje, përqendrim të dobët dhe mangësi të lëndëve ushqyese,” thotë dietologu Andrea Hinojosa.
#5 Nuk po flini mjaftueshëm
Gjumi është i rëndësishëm për shumë aspekte të shëndetit pasi ndihmon në rregullimin e hormoneve që lidhen me oreksin, stresin dhe metabolizmin. Ndërsa vetë gjumi nuk shkakton humbje peshe, gjumi i pamjaftueshëm mund të prishë metabolizmin tuaj, duke ju mbajtur më gjatë zgjuar dhe duke çuar në më shumë dëshirë për të ngrënë.
#6 Jeni duke u fokusuar shumë te pesha
Përqendrimi i tepërt në këtë mision dobësimi mund të ndikojë negativisht në shëndetin tuaj. Hulumtimet kanë treguar se peshimi i vetes çdo ditë ka tendencë që t’i çojë njerëzit në depresion dhe ankth, ulje të vetëbesimit etj./E.Ç
