Gazetarja Eksiola Shehu, e cila është shtatzënë, është shtyrë mëngjesin e kësaj të enjteje nga deputeti i PS-së, Pandeli Majko.
Këtë veprim ai e bëri teksa u pyet nga gazetarët nëse ndihej i rrezikuar me ndryshimet që kishte bërë kryeministri Edi Rama për listat e hapura dhe të mbyllura në zgjehdjet e 2025-ës.
Ishin deputetet e PD-së, Jorida Tabaku dhe Ina Zhupa, ata të cilat denoncuan në Kuvend këtë fakt.
Zhupa i kërkoi kryeparlamentares Elisa Spiropali që të sjellë në Parlament dhe të votohet menjëherë projektrezoluta që mbron gazetarët.
“Gazetarja Eksiola Shehu, e cila është edhe shtatzënë, është shtyrë nga deputeti i PS-së, zoti Pandeli Majko dhe kjo është një sjellje e papranueshme, për të cilën ku Kyvend ka refuzuar të pranonte të bënte një rezolutë për gratë gazetare.
Duke qenë se u shtuan rastet me të cilat dhunohen gazetaret femra sepse pikërisht ata janë më të brishta dhe në sytë e një mazhorance maskiliste, që është indoktrinuar nga simboli i dhunës Edi Rama, kërkoj edhe njëherë të sillet në vëmëndje rezoluta për mbrojtjen e gazetareve.
Ngjarja ka ndodhur brenda oborrit të Kuvendit. Kërkojmë që të merren masa të menjëhershme”, theksoi deputetja./ S.M
