Analisti Frrok Çupi e sheh si diçka të pritshme komunikimin e akuzës së SPAK për Sali Berishën dhe se pa akuzë nuk mbahej dot.
I ftuar në një studio televizive, Çupi deklaroi Sali Berisha ka funksionuar gjithmonë jashtë ligjit.
Në vijim shtoi se Berisha ka kryer vepra të rënda për vendin në 30 vjet dhe se është politikani më jetëgjatë në Shqipëri në 30 vjet, por se prej 30 vjetësh nuk është paraqitur asnjëherë para ligjit.
Çupi deklaron se Sali Berisha është frikacak dhe pritet që të lëshojë dhe fëmijët e tij para drejtësisë.
“30 vjet nuk u paraqit kurrë para ligjit, ai ka të drejtën e Zotit të besoj se nuk është fajtor. Beson veten, beson gënjeshtrën.
Kur ti nuk e njeh ligjin, del prej një formati që është sa qytetar dhe lidership, pse i bën deklaratat Berisha dhe për arsyen se ndoshta ashtu e mendon se nuk ka gabim.
Pjesa tjetër që Berisha bërtet para se të shkojë. Problemi i Berishës se unë e njoh mirë para se të bëhej udhëheqës.
Berisha ka problemin e frikës, është frikacak, ka shumë frikë.
Berisha kur u rrëzua monumenti i Enver Hoxhës, na ka mbledhur në selinë e PD dhe na ka thënë që PD mbaroi, ne duhet ti kërkojmë ndjesë Presidentit Ramiz Alia.
Tani kush të shpëtojë nga burgu të shpëtojë, e ngremë partinë një herë tjetër. I ndodhur para forcës së ligjit, ai ka frikë.
Ai do të dëgjojë zërin e vetë kur është në kohët më të vështira.
Pak nga pak Berisha do jetë para drejtësisë bashkë me fëmijët e tij, por do shikoni që Berisha do fillojë të dorëzojë fëmijët.
Do dorëzojë dhëndrit, fëmijët.
Se kështu është. I mësuar në institucionet e Partisë së Punës dhe më pas si President dhe Kryeministër, nuk e përfytyron dot veten si një njeri të zakonshëm, si një njeri të nivelit normal.
Kryerja e korrupsionit pasiv në bashkëpunim, e çon çështjen te paragrafi 25 i Kodit Penal, që bashkëpunimi në korrupsion çon deri në krijimin e organizatave kriminale që dënohet deri në burg përjetë.
Non grata është një çështje që ka të bëjë me moralin politik, me pozitat e një presidenti, kryeministri.
Titulli non grata nuk ndikon në shumë vite burg të Berishës, por ai është nën hetim pasuror. Nëse ka fshehur pasurinë është një dënim tjetër që i shtohet.
Është nën hetim për 21 Janarit, nëse ngarkohet me përgjegjësi penale janë vrasje shtetërore siç thotë Strasburgu.
Nëse gjendet bashkëpunimi i tij me të birin dhe të tjerët për Gërdecin, jemi para një hapësire shumë të madhe ligjore ku po i bëhet skaneri Sali Berishës dhe ky skaner nuk e dimë se kur do mbarojë.
Fatos Nano është i vetmi kryetar opozite që është dënuar dhe burgosur.
Askush nuk mund të thotë se SPAK nuk është i rrezikuar, tërë jetën drejtësia ka qenë e rrezikuar nga politika dhe krimi.
SPAK nuk i përket vetëm Shqipërisë, është institucioni që po pastrin vendin nga krimi, korrupsioni, shkelja e ligjit.
SPAK po pastron tërë situatën në rajon.”/ S.M
