Të paktën 20 persona janë vrarë dhe më shumë se 450 të tjerë janë plagosur nga vale e dytë e shpërthimeve në Liban.
Telekomunikacionet e përdorura nga grupi i armatosur Hezbollah shpërthyen në periferitë jugore të kryeqytetit Bejrut, Luginën Bekaa dhe Libanin jugor – zona që shihen si bastionet e tij.
Hezbollahu fajësoi Izraelin për atë sulm. Izraeli nuk ka dhënë asnjë koment në lidhje me akuzat.
Sulmet erdhën pasi Ministri i Mbrojtjes i Izraelit, Yoav Gallant njoftoi një fazë të re në luftë dhe pasi një divizion i ushtrisë izraelite u zhvendos në veri.
Sekretari i Përgjithshëm i OKB-së, António Guterres paralajmëroi për rrezikun e përshkallëzimit të tensioneve dhe u bëri thirrje të gjitha palëve të ushtrojnë përmbajtje maksimale.
Disa orë pas shpërthimeve të së mërkurës, kryeministri izraelit Benjamin Netanyahu u zotua të kthejë dhjetëra mijëra njerëz të zhvendosur nga veriu i vendit të sigurtë në shtëpitë e tyre.
Ministri i Mbrojtjes Yoav Gallant ndërkohë tha se Izraeli po hap një fazë të re në luftë dhe se qendra e gravitetit po zhvendoset në veri përmes devijimit të burimeve dhe forcave./E.T
