Në një intervistë për “Canape,” Erjola Doçi deklaroi se ajo sot kërkon dashurinë e vërtetë, duke lënë pas pretendimet e saj të mëparshme për partnerë idealë.
Ajo vlerësoi publikisht Bardhin për veprimet e tij ndaj Sarës, duke e cilësuar si modelin e vërtetë të një burri që vë përpara dashurinë ndaj famës dhe interesave. Erjola theksoi se kërkon një person që e mbështet në çdo hap, jo dikë që thjesht i dhuron lule.
“Unë kërkoja shumë gjëra dikur, por sot, në këtë pikë ku jam, duket klishe dhe s’më intereson aspak se si e mendojnë njerëzit. Por sot, realisht, vuan për dashuri, atë emocionin e vërtetë. Të gjitha të tjerat i gjen, ia mundëson vetes. Më përpara thoja, ‘jo po mashkulli të jetë burrë me shumë ‘r’, jo po të jetë nga veriu, jugu, vende të ndryshme, jo po të më japë siguri’. Do ti që të gjitha këto nuk e definojnë atë që quhet burrë?
A të jap një shembull kush quhet burrë? Quhet Bardhyl Idrizi, me këtë që bëri së fundmi. Megjithëse e kam shok, nuk po i flas si shoqe, por po ta them këtë si publik. Vajzën që ka në krah ia paragjykuan, la interesat, lekun, suksesin dhe një njeri që hedh poshtë suksesin, famën, të ecurën përpara, mundësitë ekonomike për dikë, kjo është dashuri. Ky është burrë me shumë pantallona dhe atribute për mua. Dua dikë që të më ndjekë në çdo hap të jetës, sikurse unë atë. Nuk dua dikë që të më mbushë jetën me lule, por dikë që të më japë dashuri”./E.Ç