Eksportet bujqësore vijuan trendin rritës edhe gjatë këtij viti.
Referuar statistikave zyrtare, ministrja e Bujqësisë dhe Zhvillimit Rural, Anila Denaj bëri të ditur se “gjatë periudhës janar-shtator 2024 eksportet kanë shënuar rritje me 19% krahasuar me një vit më parë”.
Gjatë kësaj periudhe u eksportuan rreth 358 380 tonë produkte bujqësore, kundrejt 301 956 tonë produkte që u eksportuan gjatë janar-shtator 2023.
Ekspozimi i vendit tonë si destinacion turistik dhe politikat mbështetëse për fermerët, kanë rritur vlerën e prodhimit bujqësor në tregjet e huaja.
Denaj tha se qeveria do të vijojë politikat mbështetëse për të gjithë njerëzit e punës, drejt objektivit të 1 miliard dollarë eksporte bujqësore deri në vitin 2030. S.B
