Profesor Edmond Dragoti, pjesë e lëvizjes së dhjetorit në 1990, tha se nëse Enver Hoxha do të ishte gjallë në atë kohë, ai do të mund të ishte bërë kryetar i PD-së. Në një lidhje live për emisionin “Real Story” të gazetarit Sokol Balla, duke folur nëse ka vdekur enverizmi në vend, ai tha:
“Enver hoxha do të ishte kryetar i PD. Këtë përpara shumë kohësh kur ishte gjallë Ramiz Alia, në një pritje diku në një ambasadë, I thashë se më pyeti një gazetare që Enver Hoxha duhet të ishte kryetar i PD dhe Ramizi qeshi dhe tha “po është e vërtetë”. E vështirë të gjesh një shqiptar që nuk është autoritarist….së dyti, e vështirë të gjesh lider shqiptar që nuk do të bënte si Enver Hoxha apo më tepër si ai në ato kushte ndërsa sot që është e vështirë që autoritarizmin tënd ta shprehësh deri në detajet e egos të karakterit të secilit që përmbush cilësitë e lidershipit. Nuk mund të gjykojmë në një kohë kaq shumë të shkuar siç është ajo, krahasuar me backgroundin e tanishëm ku kemi një demokraci tranzitore, por kemi 35 vjet që kemi lirinë e mjaftueshme. Në këtë kuptim, është e vështirë që një lider të ngrihet e përmasat e diktaturës dhe të Enver Hoxhës sepse jetoi në një periudhë të egër.“, u shpreh Dragoti.
Ndërkohë historiani Mariglen Kasmi shtoi:
“Shenjat janë të qarta që në fillesa sepse po ta shohim në mënyrë të përgjithësuar që njeriu zhvillohet. Por mendoj se ky është koordinim i të dyja faktorëve, i faktorit kohë, i ngjarjeve dhe situate gjatë luftës së dytë botërore dhe me luftën e ftohtë, me sofistikimin e ideologjosë komuniste dhe një sistem që u përshtat me kushtet e Shqipërisë për të arritur synimin e këtij regjimi. Janëe dy element, njeriu dhe situata që krijuan Enver Hoxhën si personazh historik. Hoxha një nga personazhet historic më të spikatur të historisë së Shqipërisë duke gjykuar në lidhje me atë që përfaqësoi. Nuk mund të themi dot sot, se cfarë u bë në Shqipëri, për keq apo për mirë, janë vepër e një personi.”/K.B