azetari Albi Xhunga, në një lidhje nga Brukseli për një emision televiziv në Tiranë, ka komentuar krizën e emigracionit, duke theksuar se kjo është një nga çështjet më përçarëse për Evropën. Ai vuri në dukje se, ndonëse kontinenti ka nevojë për fuqi punëtore, popullsitë nuk e mbështesin më emigracionin. Sipas tij, zgjidhja nuk pritet të vijë nga samiti aktual, por do të vendoset nga qytetarët përmes votës.
Xhunga kritikoi zgjedhjen e Ursula von der Leyen për një mandat të dytë, duke e cilësuar atë si një proces më pak demokratik se zgjedhja e papës, duke qenë se ajo u mbështet nga liderë që kanë humbur pushtetin ose shumicën. Ai parashikoi se një fitore e mundshme e Marine Le Pen në Francë do të sjellë ndryshime radikale në politikat e BE-së, duke përfshirë daljen e Francës nga marrëveshja Shengen dhe masa më të rrepta kundër emigracionit.
“Kryeministri belg tashmë e ka humbur pushtetin. Emigracioni është çështja që përçan Evropën më shumë se çdo gjë tjetër. Ne tani kemi një presidente të re Von der Leyn e cila është zgjedhur për një mandat të dytë nga pushtetarë që ose kanë humbur pushtetin ose shumicën.
Zgjedhja e saj është më pak demokratike se zgjedhja e papës, është zgjedhur nga Franca dhe Gjermania, nga Macron që ka humbur pushtetin dhe Shcolz që është i dobësuar. Janë pothuajse pushtetarë në detyrë që kanë zgjedhur këtë presidente. Kontinenti nga ana tjetër ka nevojë për fuqi punëtore, gjendja në Itali është alarmante nuk gjenden punëtorë për fabrikat dhe nga ana tjetër popullsitë nuk duan më emigracion.
Një marrje pushteti nga Le Pen vitin tjetër besoj se ajo do e marrë pushtetin kjo do të thotë një ndryshim radikal në të gjitha politikat e BE. Kjo do na prodhojë daljen e Francës nga marrëveshja shengen, politika reale që ndalin emigracioni, sepse emigracioni në Evropa ka prodhuar krimin, kultura të ndryshme.”
Sipas tij, ndërsa samiti fokusohet në çështje të rëndësishme si emigracioni, Ukraina dhe Lindja e Mesme, zgjidhja për emigracionin mbetet ende larg.
“Janë tre tema kryesore që po diskutohen në samitin e Brukselit, dje ka qenë samiti midis liderve të be dhe gjirit persik, ndërsa sot dhe nesër janë Ukraina, lindja mesme dhe emigracioni. Unë nuk pres ndonjë mrekulli për emigracionin. Nuk besoj se kjo çështje do zgjidhet nga ky samit, besoj se këtë çështje do e zgjidhin qytetarët me votë.”/K.B
