Është ndarë nga jeta piktori i njohur, profesori dhe artisti i shquar elbasanas, Xhemal Lufta.
Ndarja nga jeta ka pikëlluar pa masë familjen, të afërm, miq e bashkëmoshatarë të tij. Ndërkohë,Elbasani ka humbur një nga qytetarët më me vlerë të kohës sonë.
Xhemal Lufta u lind me 20 qershor 1935 në Elbasan. Shkollën 7-vjeçare e mbaroi në vendlindje në vitin 1950. Më 1954, mbaron shkollën e mesme në liceun artistik “Jordan Misja” në Tirane. Në vitin 1969 kryen studimet e larta ne Akademinë e Arteve, në Tiranë ku merr titullin “piktor”. Dhjetë vjet para Akademisë dhe tre vjet pas saj punoi në shkolla 8-vjeçare të qytetit. Ka marrë pjesë në të gjitha ekspozitat lokale dhe kombëtare që nga viti 1957.