Teksa disa drejtues të salloneve apo klinikave që ofrojnë trajtime estetike janë arrestuar e të tjerë janë në kërkim, i gjithë tregu i këtyre shërbimeve është tronditur pasi nuk ka klinikë që nuk ofron botox e filler, të paktën në Tiranë.
Dhe kjo toksinë, e cila ka rreth 10 vjet që përdoret nga vajzat dhe djemtë në vend, nuk është e regjistruar në Shqipëri, por ka hyre me çanta kontrabande. Ishte një operacion i policisë që u fokusua në 32 subjekte, të cilat furnizohen me një lloj botoxi të quajtur “Nabota” me origjinë nga Koreja, por që hyn nga pika doganore e Morinës dhe një lloj tjetër, e quajtur Disport, i cili është prodhim turk dhe hyn nga aeroporti i Rinasit.
Në listën e të kërkuarve janë emra të klinikave të njohura që kanë ofruar këtë shërbim janë Skerdilajd Faria, Luada Caushaj, Aida Troka, Jondia Zaçe, Eni Shemaj.
Mjekët thonë se ky treg duhet rregulluar, pasi nuk mund te injektojnë botox nëpër parukeri apo jo profesionistët.
Por, çfarë ndodh nëse nuk transportohet në boxe akulli botoksi ?
Por, a ishte ky aksion i policisë i rastësishëm apo i qëllimshëm, kjo mbetet për t’u parë. Top Channel disa herë ka raportuar në lidhje me trendin e vajzave për të injektuar botox dhe demet që u shkaktohen nga jo profesionistët për shkak të çmimeve të lira, si dhe mos ushtrimin e kontrollit nga Inspektorati Shëndetësor shtetëror nëpër këto klinika./K.B
Burimi: Top Channel
