Kryetari i PS, njëherazi dhe kryeministri, Edi Rama ka deklaruar se ndihet mirënjohës për të gjithë ata që trokasin në Partinë Socialiste. Sipas Ramës, rruga në politikë është për guximtarët dhe jo e thjeshtë, pasi mund të hasesh me pengesa.
“Mos thoni që kjo nuk është e lehtë. E mora me mend që me siguri, shumë nga ju këtu ndiheni të disavantazhuar se 6 persona iu krijua një avantazh. Duhet ta dini që kush merr përsipër të hyjë në rrugën e politikës, nuk hyn në një rrugë të drejtë, por me një rrugë me pengesa dhe ku thua më mirë të kthehem. Është një e drejtë ku ti ja jap vetes dhe shikon sa mund të rezistosh.
Kjo është njëkohësisht një rrugë për guximtarët dhe unë jam mbi të gjithë mirënjohës për ju që së pari trokisni në derën e PS. Unë jam i bindur që ju nuk keni aplikuar me ndihmën e dikujt, apo sepse keni një mbiemër të njohur, keni aplikuar duke besuar hajde ta provojmë. Shumë të rinj këtu janë ulur këtu me idenë që kjo është një lojë dhe ndiheni të përdorur. Shumë mendojnë që nuk do ia dalin, por në totalin e vetë skuadra është me më pak se 200 persona, ndërkohë që lojtarët që duan të futen në fushë janë mbi 1 mijë. Kjo është gara”, tha ai./E.T
