I ftuar ditën e sotme në ‘Breaking’ ka qenë Faik Basha nga Partia e Lirisë, teksa ka folur për gjendjen e ish-presidentit Ilir Meta këto ditë ku ka qenë i burgosur.
Basha ka treguar se brenda qelisë Metës i është ofruar mundësia për të kryer aktivitet fizik, kjo me kërkesë të këtij të fundit, teksa e ka konsideruar si një veprim normal, të një personi i cili vuan heqjen e lirisë.
Sipas Bashës në ambiente aq të vogla veç leximit, ndonjë ecjeje dhe pak aktiviteti fizik nuk ke tjetër çfarë të bësh.
Ndërkohë që nga ana tjetër, ai ka mohuar kategorikisht që kjo kërkesë e ish-presidetit të jetë e lidhur me ngarkesën e tij psikologjike, duke u shprehur se është veç në të mirë të shëndetit.
“Unë e njoh mirë sistemin e burgut. Aty nuk ke shumë çfarë të bësh veçse të lexosh apo të kryesh ndonjë aktiviktet fizik për të mbajtur trupin në formë dhe për të mirë të shëndetit, duke marr parasysh edhe ambientin e vogël që ndodhet aty. Përveç ndonjë ecje apo aktiviteti të vogël fizik aty nuk ke çfarë të bësh.
Kjo është gjë normale në të mirë të shëndetit s’ka lidhje me ngarkesën psikologjike.”- tha Faik Basha./ S.M
