Lucy Letby është një ish infermiere e cila është dënuar 14 herë me burgim të përjetshëm për vrasjen e 7 foshnjave të sapolindura.
Sipas Mail online, Letby është treguar shumë e ftohtë përpara gjykatës dhe ka kërkuar miratim për të apeluar vendimin për dënimin e saj.
Ish-infermierja 34 vjeçe, po kërkonte miratimin për të kundërshtuar dënimin e saj më të fundit për përpjekjen për të vrarë të porsalindurin, të njohur si Child K, pasi u shpall fajtore pas një rigjykimi në korrik.
E cilësuar si vrasëse seriale, ish- infermierja e ndoqi seancën përmes një lidhjeje video nga burgu ku po vuan dënimin, e veshur me një fustan jeshil.
Ajo ishte dënuar më parë me 14 urdhra të përjetshëm pasi u shpall fajtore në gjyqin e saj të parë për vrasjen e shtatë foshnjave dhe tentativën e vrasjes së gjashtë të tjerëve, me dy tentativa ndaj një fëmije.
Letby iu dha dënimi i saj i 15-të i jetës për sulmin ndaj foshnjës së fundit që ra në duart e saj dhe do të vuajë dënimin me burgim të përjetshëm.
