Sulmi ndaj Industrisë Turke të Hapësirës Ajrore në Ankara ishte një infiltrim i terroristëve nga Siria.
Keshtu u shpreh presidenti turk, Erdogan në fjalën e tij gjatë fluturimit të kthimit nga Kazan, Rusi, ku mori pjesë në samitin e grupit BRICS .
Duke folur për gazetarët, presidenti turk tha se ky sulm ishte një “operacion infiltrimi” nga Siria.
Rexhep Tajip Erdogan përsëriti edhe një herë akuzat ndaj Shteteve të Bashkuara për mbështetje të organizatave terroriste që veprojnë kundër Turqisë.
“PYD/YPG, dega siriane e organizatës terroriste PKK, është e dënuar të braktiset dhe të lihet vetëm. Amerika ka në krahët PYD/YPG, “dega siriane e organizatës terroriste PKK”, tha ai, “por kur të mbarojë ajo kohë, duhet ta lërë të qetë”, pohoi presidenti turk.
“Amerika përdor terroristët”
“Dihet se Amerika i përdor organizatat terroriste në rajon për interesat e veta dhe sigurinë e Izraelit. Amerika i ofron Izraelit të gjitha llojet e pajisjeve, municioneve dhe mbështetjes në rajon. A jep para apo jo?
Sytë dhe veshët tanë janë të hapur për të gjitha zhvillimet që ndodhin pranë trojeve tona dhe nuk mund të bëjmë kompromise me to. Ne do të jemi mbrojtës të trojeve tona. Ne duhet të mendojmë në çdo kohë se mund të ketë ndonjë lëvizje të infiltrimit nga Siria apo vende të tjera.
Erdogan diskutoi marrëdhëniet Ankara-Damask me Presidentin rus Vladimir Putin, të cilit i kërkoi të ndërmjetësonte
Prandaj, ne duhet të marrim të gjitha masat tona të sigurisë në përputhje me rrethanat”, theksoi presidenti turk.
Vihet re se në njoftimin e Këshillit të Sigurimit të Turqisë, i cili u thirr nga Erdogan dje, të enjten, përmendet se nuk do të lejohet kurrë krijimi i një “shteti terrorist” pranë kufijve të Turqisë.
Puna me Assadin përmes Putinit
Presidenti turk tha se Ankaraja pret që Damasku të ndërmarrë hapa edhe në këtë drejtim, duke theksuar se “pritja jonë kryesore është që qeveria siriane të kuptojë përfitimet e një normalizimi të sinqertë dhe realist të marrëdhënieve me Turqinë dhe të ndërmarrë hapat e saj në përputhje me rrethanat”. .
Madje ai pohoi se “paqëndrueshmëria në këtë rajon ka grumbulluar atje organizata terroriste dhe ato me ambicie tinzare, si një moçal që mbledh mizat”.
Ai gjithashtu përmendi se ka diskutuar për marrëdhëniet Ankara-Damask me presidentin rus Vladimir Putin, të cilit i kërkoi të ndërmjetësonte.
“Ndikimi i Rusisë në qeverinë siriane është i njohur. Ne diskutuam të gjitha këto çështje, pozicionin tonë dhe pritshmëritë tona me zotin Putin. Ne i bëmë thirrje zotit Putin të ndërmarrë një hap për të siguruar që Bashar al-Assad t’i përgjigjet thirrjes sonë. A do t’i bëjë z. Putin ndonjë thirrje Asadit për të ndërmarrë këtë hap? Këtë ia lëmë kohës”, tha presidenti turk.
Ndërkohë, vazhduan bastisjet e forcave ajrore turke kundër objektivave kurde. Pas sulmit në Ankara, gjithsej 120 objektiva u goditën në veri të Irakut dhe Sirisë veriore, sipas Ministrisë së Mbrojtjes së Turqisë.
Burimi: APE – MEB
/e.t
