Ylli televiziv, Kylie Jenner ka folur për prishjen e miqësisë së saj me Jordyn Woods, e cila u largua nga familja Kardashian pasi u zbulua se kishte nisur një lidhje me partnerin e Khloe, basketbollistin Tristan Thompson.
Në një intervistë për “Elle”, 27-vjeçarja përmendi shoqen e saj më të mirë që nga adoleshenca, por që tani nuk janë më aq shoqe sa më parë, ndonëse ajo e ka falur për tradhtinë.
Siç ka përmendur Kylie Jenner, fakti që ato nuk flisnin më, i ka thyer zemrën, por i është dashur të qëndrojë pranë motrës.
“Ne gjithmonë u përpoqëm të diskutonim atë që ishte bërë, kështu që kurrë nuk ishte një ndërprerje e plotë. Ne kishim nevojë për distancë”, tha ajo.
Më pas Jenner shpjegoi se të dyja ishin aq të afërta saqë ishin bërë të varura nga njëra-tjetra.
“Sa herë që ndodhte diçka e mirë apo e keqe dhe kisha nevojë për dikë që të telefonoja për të folur, ajo do të ishte gjithmonë aty. Kur e humba atë person, u ndjeva shumë e vetmuar, por duhej ta kaloja”, theksoi Kylie./E.Ç