Përshëndetja ushtarake, ku dora e djathtë vendoset mbi kapelë, rrjedh nga një zakon i kalorësve mesjetarë. Ata, kur takonin një mik ose epror, largonin përkohësisht helmetën ose ngrinin vizierën për t’u njohur dhe për të treguar një qëndrim paqësor dhe të pambrojtur. Me kalimin e kohës, mbeti zakoni i heqjes së kapelës si shenjë respekti dhe miqësie, dhe u kthye në një mënyrë përshëndetjeje të përhapur si midis ushtarakëve ashtu edhe mes civilëve.
Në shekullin XIX, ushtritë përdornin kapela aq të mëdha dhe të rënda saqë ishte e vështirë t’i hiqnin e t’i vinin lehtësisht. Si rezultat, u konsiderua e mjaftueshme vetëm gjesti simbolik i vendosjes së dorës mbi kapelë, pa e hequr atë. S.B
