Yll Limani, një nga artistët më të dashur dhe më të ndjekur të skenës muzikore shqiptare, ka emocionuar ndjekësit me një lajm të veçantë. Përmes një videoje të publikuar në Instagram, këngëtari ka zbuluar se më 27 dhjetor do të ngjitet në skenë për një koncert të madh në Prishtinë.
Ky event pritet të jetë një ndër ngjarjet muzikore më të rëndësishme të fundvitit, duke pasur parasysh suksesin e jashtëzakonshëm të Yllit në vitet e fundit. Nga baladat e tij prekëse deri te hitet ritmike që kanë dominuar clubet, Ylli ka ndërtuar një karrierë që e ka kthyer atë në një ikonë të muzikës së re shqiptare.
Pavarësisht njoftimit emocionues, detajet e tjera rreth koncertit si vendndodhja, formati i shfaqjes apo të ftuarit specialë, ende nuk janë zbuluar./K.B
