Adoleshentët po përballen me kufizime të reja të gjera mbi përdorimin e filtrave të bukurisë në “TikTok”.
Në javët e ardhshme, të rinjtë nën 18 vjeç nuk do mund të përdorin filtra për ndryshimin e ngjyrës së syve, madhësinë e buzëve apo të ngjyrës së lëkurës.
Kufizimet do të zbatohen për filterat të tillë si “Bold Glamour”, që ndryshojnë tiparet në një mënyrë që grimi nuk mundet. Ndërsa filterat komikë që shtojnë veshët e lepurit ose të qenit nuk do të preken.
Ka pasur shqetësime të përhapura se filtrat e bukurisë, disa të ofruara nga “TikTok”, të tjerë të krijuar nga përdoruesit, kanë rritur presionin mbi adoleshentët, veçanërisht te vajzat.
Disa të rinj kanë përshkruar se si pas përdorimit të filtrave e kanë konsideruar fytyrën e tyre të vërtetë të shëmtuar. “TikTok” njoftoi gjithashtu se po forconte sistemet e tij për të bllokuar përdoruesit nën 13 vjeç nga platforma, gjë që mund të nënkuptojë se mijëra fëmijë do të largohen nga platforma.
Para fundit të vitit, aplikacioni do të nisë një provë të sistemeve të reja të automatizuara për të zbuluar njerëzit që mashtrojnë për moshën./ S,M
