Vendimi i Princit Harry dhe Meghan Markle për të marrë pjesë veçmas në disa ngjarje ka rindezur spekulimet për krizë në marrëdhënien e tyre mes tensioneve të vazhdueshme me familjen mbretërore. Ndërsa Meghan është fokusuar në përpjekjet e saj personale në SHBA, Harry ka bërë përpjekje për t’u pajtuar me familjen e tij, megjithëse pa sukses. Mungesa e çiftit në ngjarjet e mëdha mbretërore dhe aktivitetet e tyre të pavarura kanë ngritur pikëpyetje për dinamikën e tyre personale dhe profesionale. Ka qenë vetë Harry i cili u është përgjigjur këtyre spekulimeve së fundmi.
Duke folur në Samitin e DealBook të New York Times 2024, Princi Harry hodhi poshtë thashethemet për krizë në martesën e tij me Meghan Markle, duke e quajtur furinë mediatike “qesharake”. Ai bëri shaka me pretendimet e tabloideve duke thënë me ironi se sipas tabloidëve, ai dhe Meghan janë divorcuar disa herë dhe kanë blerë shtëpi të panumërta, duke i nxitur njerëzit t’i injorojnë histori të tilla.
Harry theksoi ndikimin negativ të keqinformimit në perceptimin publik. Ai gjithashtu pranoi se si mbulimi mediatik shpesh shtrembëron veprimet e tij, duke nxitur më tej spekulimet. Ai pëmendi edhe njëherë nevojën për privatësi duke adresuar rreziqet e thashethemeve të vazhdueshme në internet./K.B
