Divorci nuk është i lehtë për askënd, por për Xhensilën ka qenë edhe më i vështirë me dy fëmijët e vegjël, tek të cilët, sidoqoftë, gjeti forcën për të mos u dorëzuar. Ama Ajkën 6-vjeçare nuk ka dashur ta gënjejë për atë që po ndodhte dhe as t’ia fshihte. Ndërsa tregon se së bijës ia ka shpjeguar ndarjen sa mund t’i tregohet një fëmijë në moshën e saj, këngëtarja kujton e përlotur se, për ironi të fatit, edhe ajo ka pasur moshën e Ajkës kur iu desh të përballonte divorcin e prindërve. Nuk ka folur kurrë për këtë, por ndoshta, siç tha, mund të ishte kjo koha për ta rrëfyer.
“Si për ironi të fatit, historia sikur u përsërit…” – tregon Xhensila duke u ndalur te mbështetja e së ëmës, megjithëse ajo ishte munduar të ishte e kujdesshme për t’ia thënë atë që po ndodhte: “Frika e saj më e madhe ishte çfarë do ndodhte pas, duke qenë se mami është divorcuar në një kohë që gjërat nuk kanë qenë të lehta dhe sot nuk janë të lehta…”
“E mbaj mend, sigurisht. Ka qenë shumë më traumatike, është një periudhë tmerrësisht e rëndë e jetës sime, por mund të ketë ardhur koha ta them… E di pse e dua shumë mamin tim dhe e vlerësoj, por në të njëjtën kohën edhe e gjykoj që nuk pati mundësi t’i jepte fund asaj martese përpara se të ndodhte ajo që sytë e mi panë…
Im atë nuk pranoi që t’i jepte divorcin nga ime më dhe mami im është rasti i asaj gruas që u plagos me shtatë thika dhe humbi njërën nga duart. E gjitha kjo ka qenë një veprim që është bërë në sytë e mi. Unë kam parë nënën time të therej për këtë vendim dhe gjithmonë e kam ruajtur shumë këtë sekret dhe nuk e di pse e thashë, se nuk dua të lëndoj as babain tim…”/e.t
