Pulovrat e Krishtlindjeve janë një ndër veshjet më të dashura të muajit festiv dhjetor. Ato mbartin një histori të bukur e cila daton që në shekullin e 19-të.
Lindën në Evropën Veriore, në Skandinavi, ku gra të moshuara filluan të thurnin triko të rënda leshi për burrat e tyre që më së shumti ishin peshkatarë.
I thurnin me ngjyra të forta e të ndezura me një qëllim funksional, që nëse burrat e tyre binin në det gjatë peshkimit të dalloheshin dhe të shpëtoheshin shpejtë.
Zotërimi i një prej këtyre trikove në fillim të shekullit të njëzetë, veçanërisht në SHBA, u bë simbol i pasurisë, sepse vetëm njerëzit e pasur mund të përballonin udhëtime në destinacione kaq të largëta.
Në vitet 50-të, me bumin ekonomik dhe shtytjen drejt blerjeve të Krishtlindjeve, ata filluan të shfaqeshin në shfaqjet televizive dhe të veshura nga yjet e ekranit.
Kulmin e suksesit e arritën falë të famshmit Ugly Christmas Jumper, i luajtur nga Bill Cosby në serialin televiziv “Thë Robinsons”.
Duket se anglezët janë kryesisht më të apasionuarit pas tyre, pasi edhe shifrat treguan se vetëm vitin e kaluar janë shitur rreth 12 milionë pulovra Krishtlindje.
Po ashtu kemi parë edhe Familjen Mbretërore britanike të përfshirë shumë në këtë tematikë, pasi edhe një grup ceremonial i trupave të mbretit Charles që parakalojnë më 24 dhjetor vishen në mënyrë festive dhe me qëllim bamirësie.
Në fakt na duhet ta pranojmë që ky është një krijim “armiqësor” lidhur me modën dhe trendet e përvitshme, por gjithsesi yjet na japin disa ide se si t’i kombinojmë bukur nëse do kemi dëshirë t’i veshim këto kohë./ S.M
